සංවර්ධන කටයුතු වෙනුවෙන් අමාත්‍යාංශ වෙත ගෙවිය යුතු රුපියල් බිලියන 100කට අධික මුදලක් මහා භාණ්ඩාගාරය විසින් එම අමාත්‍යාංශ වෙත ගෙවීම් කොට නොමැති බව ජනාධිපති මෛත්‍රිපාල සිරිසේන මහතා පැවැසීය.
රටේ ණය බර වැඩි වී රාජ්‍ය සේවක වැටුප් ගෙවා ගැනීමටවත් නොහැකි තත්ත්වයක් උදා වී ඇති බව පැවැසූ ජනාධිපතිවරයා රාජ්‍ය බැංකු අභ්‍යන්තර තොරතුරු හෙළි නොකරන බවද ඊයේ (17දා) මහජන එක්සත් පෙරමුණේ 22 වැනි සම්මේලනයට සහභාගි වෙමින් පැවැසීය.
එම සම්මේලනය කොළඹ නව නගර ශාලාවේදී පැවැත්විණි.