යාපනයේ ප්‍රසිද්ධ පාසලක පැවැති නිවාසාන්තර ක්‍රීඩා උළෙලකදී එක් නිවාසයක් තනා තිබුණේ ඊළාම් සිතියමේ අනුරුවකට අනුවය.
අධ්‍යාපන බලධාරීන් ඇතුළු බොහෝ දෙනකු මේ නිවාසාන්තර උළෙලට සහභාගි වුවත් මේ පිළිබඳව ඔවුන්ගේ අවධානය යොමු වී නොතිබිණි.
මේ ආකාරයේ සිතියමක් විදුලි බුබුළුවලින් ආලෝක කොට යාපනයේ කෝවිලක පෙරහරේ රැගෙන යෑම නිසා කෝවිලේ ප්‍රධාන භාරකාර පූසාරිවරයා ඇතුළු දස දෙනකුට එරෙහිව පොලිස් ත්‍රස්ත මර්දන ඒකකය විසින් යාපනය අධිකරණයේ නඩු පවරා තිබේ.
නමුත් යාපනයේ පාසලක සිසුන් විසින් ඊළාම් සිතියමක ආකාරයට ඔවුන්ගේ නිවාසය තැනීම සම්බන්ධයෙන් කිසිදු විරෝධයක් එල්ල වී නොමැත.