Colombo Today Local News

මුල්ලේරියාව රෝහලේ දී කොවිඩ් ආසාදිත කතුන් 43ක් දරුවන් බිහි කරලා

මුල්ලේරියාව රෝහල තුළ දී දෙවැනි රැල්ලේ කොවිඩ් වෛරසය ආසාදනය වූ ගර්භනී කාන්තාවන් 43ක් දරුවන් ප්‍රසූත කර ඇති අතර ඉන් හතර දෙනකු සිසේරියන් සැත්කම් මගින් දරුවන් බිහි කර ඇතැයි ද රෝහලේ නියෝජ්‍ය අධ්‍යක්ෂ වෛද්‍ය මුදිතා පෙරේරා සඳහන් කළාය.

කොවිඩ් ආසාදිත කාන්තාවකට සිසේරියන් සැත්කම කිරීම ඉතාමත් අපහසු කාර්යයක් වුවත් මේ වන විට මව්වරුන් පස්දෙනකු සිසේරියන් සැත්කම් මගින් දරුවන් බිහි කර ඇති බවත් ඒ සියලුම දෙනා මනා සෞඛ්‍ය තත්ත්වයෙන් පසුවන බවත් ඇය පැවසුවාය.

කොවිඩ් ආසාදිත කාන්තාවන් බිහි කරන දරුවන් රඳවා තැබීම සඳහා ‘නව ජන්ම ළදරු ඒකකයක්’ ස්ථාපිත කර ඇත. කොවිඩ් ආසාදිතයන් සඳහා රෝහල තුළ ස්ථාපිත කර තිබෙන ඇඳන් සංඛ්‍යාව 123ක් වන අතර ඊයේ (12 වැනිදා) වන විට ඇඳන් 120ක්ම පිරී අවසන් බව ද ඇය සඳහන් කළාය. අයි.ඩී.එච්. රෝහල තුළ හදිසි සැත්කම් කිරීමට අවශ්‍ය රෝගීන් පවා යොමු කරනුයේ මුල්ලේරියාව රෝහලට බවත් අවම රෝහල් කාර්ය මණ්ඩලයක් මගින් රෝගීන්ට උපරිම සේවයක් සලසන බවත් වෛද්‍යවරිය වැඩිදුරටත් සඳහන් කරන ලදි.

Related posts

විදේශයන්හි සිරවූ ලාංකිකයන් මෙරටට ගෙන්වීම තාවකාලිකව අත්හිටුවයි

colombotoday

නිදහස් උළෙලේදී ජාතික ගීය දෙමළෙන් ගැයෙයි

colombotoday

ආසියානු සංවර්ධන බැංකුවෙන් ඩොලර් මිලියන 350ක ණයක්

Admin

වැඩබලන පොලිස්පතින්ගෙන් විශේෂ දැනුම් දීමක්

Admin

ගුවන් තොටුපොළවල් තුනක් පසුගිය වසර හතරේදී කෝටි 200ක් පාඩු ලබලා

Admin

ගුරුවරුන්ගෙන් ආණ්ඩුවට රතු එළියක්…

colombotoday