මුලතිව් කේපාපිලහි කැලෑබද ප්‍රදේශයක ඊයේ (04) රාත්‍රියේ කිසියම් විශාල පිපිරීමක් සිදුව ඇති බවටත් අදාළ පිපිරීම පීඩන බෝම්බයක් පුපුරා යාමක් බවට සැක පල කරන අතර ඉන් කිසිවෙකුටත් හානියක් සිදු නොවී ඇති බවටද මුල්ලියාවලෙයි පොලීසිය පවසයි.
කේපාපිලව්හි පිහිටි කැලෑබද ප්‍රදේශයක ඊයේ රාත්‍රියේ ගින්නක් හට ගෙන ඇති අතර අදාළ ගින්න ඇතිවූ ප්‍රදේශයේ කිසිවෙකුත් පදිංචියක් නොමැති භූමියක් හෙයින් එහි කැලෑවේ වළදමා තිබූ පීඩන බෝම්බයක් ගින්න හේතුවෙන් පුපුරා ගොස් ඇති බවටත් ඉන් කිසිවෙකුත් කලබල නොවිය යුතු බවටද මුල්ලියාවලෙයි පොලීසිය සැකපල කරයි.
යුද සමයේදී කොටි සංවිධානය විසින් ආරක්ෂක අංශ යුධ ටැංකි විනාශකිරීම සඳහා වළ දමන ලද මෙම පීඩන බෝම්බ පදිංචි නොවූ ප්‍රදේශවල තවමත් ඇති හෙයින් අනාරක්ෂිත ප්‍රදේශයන්හි ගැවසීමෙන් ප්‍රවේසම් වන ලෙසටද ප්‍රදේශවාසී ජනතාවගෙන් පොලීසිය ඉල්ලා සිටියි.