එන ජනවාරි 08 වැනිදාට මෛත්‍රීපාල සිරිසේන මහතා ජනාධිපති ධුරයට පත් කර රටට යහපාලනය උදා වී වසරක් ගතවීම සැමරීම සදහා ජනවාරි 01 වැනිදා සිට සතියක් පුරා සෑම නිවසකම ජාතික කොඩියක් ඔසවා තබන්නැයි එජාප මහලේකම් කබීර් හෂීම් මහතා ජනතාවගෙන් ඉල්ලා සිටී.
රජයේ ප‍්‍රවෘත්ති දෙපාර්තමේන්තුවේ අද පැවති මාධ්‍ය හමුවකදී ඔහු මේ ඉල්ලීම කළ අතර ශ්‍රීලනිප මහ ලේකම් ඇමති දුමින්ද දිසානායක මහතාද එයට සහභාගී වී සිටියහ.
මීට අමතරව මෙම සතිය තුළදී අමාත්‍යාංශවලද ජාතික කොඩිය ඔසවා තබන බවත්, ඊට සමගාමීව රටේ සංවර්ධනයට අදාළ කටයුතු රාශියකුත් සිදුකිරීමට කටයුතු කරන බවද කබීර් හෂීම් ඇමතිවරයා පවසා සිටියේය.