පාර්ලිමේන්තු මන්ත්‍රී ජනක බණ්ඩාර තෙන්නකෝන් මහතාව අපරාධ පරීක්ෂණ දෙපාර්තමේන්තුවේ නිලධාරීන් විසින් අත්අඩංගුවට ගෙන තිබෙනවා.
කොළඹ පෞද්ගලික රෝහල දී මොහුව අත්අඩංගුවට ගෙන ඇති බවයි වාර්තා වෙන්නේ. 1999 වසරේ මාතලේ, දඹුල්ගමුව ප‍්‍රදේශයේදී වෙඩි තබා පුද්ගලයෙකු ඝාතනය කර තවත් අයෙකුට තුවාල කිරීමේ සිද්ධියක් සම්බන්ධයෙන් සැකපිට මෙලෙස ඔහුව අත්අඩංගුවට ගෙන තිබෙනවා.
ජනක බණ්ඩාර තෙන්නකෝන් මහතාගේ පුත‍්‍රයා වන මධ්‍යම පළාත් සභා අමාත්‍ය ප්රමිත බණ්ඩාර තෙන්නකෝන් මහතා පැවසුවේ වසර 16 කට පසු අදාළ සිද්ධිය සම්බන්ධයෙන් සිය පියා අත්අඩංගුවට ගැනීම පිළිබද පුදුමයට පත්වන බවයි.
හෙතෙම වැඩි දුරටත් පැවසුවේ නඩුවේ භාගයක් අවසන් වී තිබියදී මෙලෙස අත්අඩංගුවට ගැනීම ද්වේශ සහගත ක්‍රියාවක් බවයි.