මන්නාරම, හුනයිස් නගර් ප්‍රදේශයේ වෙරළ තීරයේ වල දමා තිබු හෂීස් කිලෝග්‍රෑම් එකකට අධික ප්‍රමාණයක් නාවික හමුදාව විසින් සොයාගෙන තිබෙනවා.
වයඹ නාවික විධානයට අනුයුක්ත නාවිකයින් පිරිසක් විසින් අද සිදු කළ මුර සංචාරයක් අතරතුරදී මෙම මත්ද්‍රව්‍ය ප්‍රමාණය සොයාගත් බවයි නාවික හමුදා මූලස්ථානය නිවේදනය කළේ.
සොයාගත් මෙම හෂීස් මත්ද්‍රව්‍යය ප්‍රමාණය රුපියල් 75,000 ක් පමණ බව සඳහන්.
කෙසේ වෙතත් සොයාගත් මෙම හෂීස් තොගය ඉදිරි නීතිමය කටයුතු සඳහා පොලිස් මත්ද්‍රව්‍ය කාර්යංශයට භාරදුන් බවයි නාවික හමුදාව වැඩිදුරටත් කියා සිටියේ.