ගාල්ල නෙළුව හත්පිටිය මැණිකාවිට ප්‍රදේශයේ අටවන ලද මන්දකට හසුවී මියගොස් සිටි දිවියෙකුගේ සිරුරක් හික්කඩුව වනජීවි නිලධාරීන්ට හමුවී තිබේ.
ඔවුන් පවසන්නේ මේ දිවියා දින හතරකට පෙර මියගොස් ඇති බවයි.
ඒ වන විටත් අදාළ සත්වයාගේ නිය, දත් කිසියම් පිරිසක් විසින් ගලවා ගෙන ගොස් තිබුණි.
කෙසේ වෙතත් පසුගිය දින කිහිපය පුරා බොහෝ දෙනෙක් කතාබහට ලක්කල නල්ලතන්නිය ලක්ෂපාන වතුයායේදී හමුවූ දුර්ලභ ගණයේ කළු කොටියා ද සොයා ගණු ලැබුවේ මන්දකට හසුවි සිටියදීයි.
එලෙස මුදාගැණුනා කොටියා දින කිහිපයකට පසු මියගියේය.
එවන් පසුබිමක තවත් කොටියෙකු හමුවන්නේ යටියන්තොට සීපොන් ප්‍රදේශයේ වනලැහැබක මන්දකට හසුවී සිටියදීය.
වනජීවි නිලධාරීන් විසින් එම කොටියා මුදාගෙන ශ්‍රී පාද රක්ෂිතයට නිදහස් කරනු ලැබුවේය.