ලෝක වෙළඳපොලේ බොරතෙල් මිල පහල ගොස් ඇති නිසා එම සහනය මෙරට ජනතාවට ලබාදී නිෂ්පාදනය ඉහළ නංවා ආර්ථිකය ගොඩ ගැනීමට කටයුතු කරන ලෙස ආණ්ඩුවෙන් ඉල්ලා සිටින බව ජනතා විමුක්ති පෙරමුණ පැවසිය.
අද ලෝකයේ පවතින ඉතා අඩු බොරතෙල් මිල මත මෙරට තුළදී ඩීසල් ලීටරය රුපියල් 42 කටත්, පෙට්රල් ලීටරයක් රුපියල් 50කටත්, භූමිතෙල් ලීටරයක් රුපියල් 28 කටත් ලබාදිය හැකි බවත් එහිදී වැඩිදුරටත් පැවසීය.
මෙම මිල සහන ලබා නොදීම නිසා ඉන්දීය තෙල් සමාගම විශාල ලාභයක් උපයමින් සිටි නිසා ඊට විරෝධය පළ කිරීම හේතුවෙන් දැන් බද්දක් අයකරන බවද ජවිපෙ හිටපු පාර්ලිමේන්තු මන්ත්‍රී විජිත හේරත් මහතා තම පක්ෂ මූලස්ථානයේ දී පැවති මාධ්‍ය හමුවකදී පැවසිය.