බුද්ධි අංශ නිලධාරීන් යැයි කියමින් මීගහතැන්න ගොරකා දූව පහේ කනුව ප්‍රදේශයේ දී වාහන පරීක්ෂාවේ යෙදී සිටි යුද හමුදා සෙබලෙකු හා තවත් පුද්ගලයෙකු අද (18) අත්අඩංගුවට ගත් බව මීගහතැන්න පොලිසිය පැවසීය.
සැකකාර හමුදා සෙබළා සන්තකේ හමුදාවෙන් නිකුත් කළ හැඳුනුම්පත් තුනක් , රුපියල් 20,000 මුදලක් ඇතුළු තවත් ලිපි ලේඛන රැසක් සොයා ගත් බව පොලිසිය කියයි.
ගොරකාදූව මාර්ග බාධක රාජකාරියේ යෙදී සිටි පොලිස් නිලධාරීන්ට ලද තොරතුරක් අනුව මීගහතැන්න පොලීසියේ බුද්ධි අංශ නිලධාරීන් සමඟ සිදුකළ වැටලීමකදී මෙම සැකකරුවන් දෙදෙනා අත් අඩංගුවට ගෙන ඇත.
අත් අඩංගු ගත් යුද හමුදා සෙබලා කොම්පඤ්ඤ විදිය හමුදා කඳවුරේ රියදුරෙක් බවත් එහි සේවය කරන බිගේඩියර් වරයකුට අයත් නෙළුව ප්‍රදේශයේ වත්තක සේවය කරන බවත් අනෙක් සැකකරු එම ප්‍රදේශයේම පදිංචිකරුවෙකු බවත් පොලිසිය සඳහන් කරයි.
සැකකරුවන් මතුගම අධිකරණයට ඉදිරිපත් කිරීමට නියමිතයි.