Colombo Today Local News

බීමත් කාන්තාවකගේ ඇඟේ හැපී හිරි ඔතප් බින්දැයි පොලිස් නිලධාරීන් දෙදෙනෙක්ට අත්හිටවූ සිරදඬුවම්

කොළඹ, කොටුව දුම්රිය ස්ථානය තුළ බීමත්ව කාන්තාවකගේ ඇඟේ හැපී ඇයගේ හිරි ඔතප් බිඳීමට ක්‍රියා කළේ යැයි එල්ල කර තිබූ චෝදනාවට වරද පිළිගත් පොලිස් කොස්තාපල්වරු දෙදෙනෙකුට කොළඹ මහාධිකරණ විනිසුරු ගිහාන් කුලතුංග මහතා විසින් පසුගිය 30 වනදා අත්හිටවූ සිර දඬුවම් සහ රජයේ ගාස්තු නියම කරන ලදී.

ඒ අනුව කොළඹ පොලිස් මූලස්ථානයේ සේවය කරන නිලධාරීන් දෙදෙනෙකුට වසර 05 කට අත්හිටවූ බරපතළ වැඩ සහිත එක් වසරක සිරදඬුවමක් නියම කළ මහාධිකරණ විනිසුරුවරයා ඊට අමතරව රුපියල් 2,500 බැගින් රජයේ ගාස්තුවක් ගෙවන ලෙස ද නියම කළේය. එම රජයේ ගාස්තුව ගෙවීම පැහැර හරිනු ලැබූවොත් අමතරව මාස 6 ක සිර දඬුවම් නියම කරන බවද විනිසුරුවරයා සිය තීන්දුවෙන් සඳහන් කර සිටියේය.

එමෙන්ම විත්තිකරුවන් විසින් අගතියට පත් කාන්තාවට රුපියල් ලක්ෂය බැගින් වන්දි ගෙවිය යුතු බවත් එම වන්දිය ගෙවීම පැහැර හරිනු ලැබුවේ අමතරව වසර 2 ක බරපතල වැඩ සහිත සිර දඬුවම් නියම කරන බවද කොළඹ මහාධිකරණ විනිසුරු ගිහාන් කුලතුංග මහතා විසින් ප්‍රකාශයට පත් කළ තීන්දුවේ සඳහන් කර තිබුණි.

2017 වසරේ ජූලි මස 10 වනදා කොළඹ , කොටුව දුම්රිය ස්ථානය තුලදී බීමත්ව කාන්තාවකගේ ඇඟේ හැපී ඇයගේ හිරිඔතප් බිඳීමක් සිදු කළ බවට චෝදනා කරමින් එහි සිටි පුද්ගලයෙකු විසින් පොලිසියට පැමිණිල්ලක් ඉදිරිපත් කර තිබුණි. ඒ අනුව විමර්ශන සිදු කළ පොලිසිය විසින් එම සිද්ධියට සම්බන්ධ පොලිස් නිලධාරීන් දෙදෙනා අත්අඩංගුවට ගනු ලැබීය. මොවුන් පොලිස් මූලස්ථානයේ සේවය කරන බවටද විමර්ශනවලදී තොරතුරු අනාවරණය විය. ඉන් අනතුරුව නීතිපතිවරයා විසින් එම විත්තිකරුවන් දෙදෙනාට එරෙහිව කොළඹ මහාධිකරණය හමුවේ අධි චෝදනා පත්‍ර ගොනු කරන ලදී.

මෙම අධිචෝදනා පත්‍ර අද කොළඹ මහාධිකරණ විනිසුරු ගිහාන් කුලතුංග මහතා හමුවේ කැඳවූ අවස්ථාවේදී එම චෝදනා වලට තමන් වරද පිළිගන්නා බව විත්තිකරුවන් විසින් විවෘත අධිකරණය හමුවේ ප්‍රකාශ කළහ. ඒ අනුව විනිසුරුවරයා විසින් ඔවුන්ට මෙම දඬුවම් ප්‍රකාශයට පත් කරනු ලැබීය.

Related posts

නීතීඥ සහාය නොමැතිව විමල් විරවංශ අධිකරණයේ කරුණු දක්වයි

colombotoday

වැඩට නොආ දුම්රිය සේවකයන් ඉවතට

colombotoday

ඡන්ද පොලේ බීමත්ව කලහ කළ පොලිස් පරික්ෂකගේ වැඩ තහනම්

colombotoday

කැබිනට් රැස්වීමේදී අමුතු දෙයක් වෙයි… අසුන්ගෙන සිටියදීම ජනපතිගේ අසුන දෙදරයි !

colombotoday

හඩ පටයෙන් සියල්ල හෙළි වේ… ගිං-නිල්වලා ව්‍යාපෘතියේ ඇමති දෙපළකගේ සුපිරි ගැහිල්ලක් එළියට…

colombotoday

වසර 1800 කට පෙර සිටි මළතිස රජුගේ රන්කරඩුව සොයාගනී. | බුදුන් වහන්සේගේ සර්වඥ ධාතුන් ඇති බවට සාධක හමුවේ.

colombotoday