Colombo Today Local News

බැඳුම්කරේට ඉදිරියේදී තවත් නඩු වැටේ – නීතිපති දෙපාර්තමේන්තුවෙන් තීරණයක්

රට තුළ ඉමහත් ආන්දෝලනයට තුඩුදුන් මහ බැංකු බැඳුම්කර වංචාව සම්බන්ධයෙන් ඉදිරි කාලය තුළ නඩු කිහිපයක්ම පැවරීමට රජයේ නීතිපති දෙපාර්තමේන්තුව තීරණය කර ඇතැයි ‘දිවයින’පුවත් පත වාර්තා කර ඇත.

මේ යටතේ පවරන පළමු බැඳුම්කර නඩුව මසක් ඇතුළත පැවරීමට නියමිතව ඇති බවද දැන ගන්නට ඇත.

ලංකා ඉතිහාසයේ විශාලතම මූල්‍ය වංචාව ලෙස සැලකෙන මෙම වංචාව නිසා ශ්‍රී ලංකා ආර්ථිකයට රු. බිලියන දහසක (රු. ටි්‍රලියනයක) පමණ අති විශාල පාඩුවක් සිදුව ඇතැයි වාර්තා වේ.

මේ කූප්‍රකට බැඳුම්කර වංචාව සම්බන්ධයෙන් පියවර කිහිපයක් යටතේ නඩු පැවරෙන අතර ඒ යටතේ පවරන පළමු නඩුව 2015 පෙබරවාරි 27 දින සිදුවූ ආන්දෝලනාත්මක පළමු බැඳුම්කර වෙන්දේසියට අදාළව පැවරෙන බවද රජයේ නීතිපති දෙපාර්තමේන්තු ආරංචි මාර්ගවලින් දැනගන්නට ඇත.

මෙම බැඳුම්කර වෙන්දේසිය පිළිබඳ විමර්ශන කටයුතු මේ වන විට බොහෝ සේ අවසන්ව ඇති අතර මේ අනුව එම නඩුව මාසයක කාලයක් ඇතුළත පැවරීමට හැකිවනු ඇති බවත් එම ආරංචි මාර්ගවලින් වාර්තා වේ.

දැනට උසාවියෙන් වරෙන්තු ලබා නීතිමය ක්‍රියාවලියට ඉදිරිපත් නොවී සිටින හිටපු මහ බැංකු අධිපති අර්ජුන මහේන්ද්‍රන් පර්පෙචුවල් ටේ‍රෂරිස් සමාගමේ හිමිකරු අර්ජුන් ඇලෝසියස් සහ එහි ප්‍රධාන විධායක නිලධාරී කසුන් පලිසේන යන අය ඇතුළු පිරිසකට එරෙහිව මෙම නඩුව පැවරීමට යන බවද රජයේ නීතිපති දෙපාර්තමේන්තු ආරංචි මාර්ගවලින් වැඩිදුරටත් ‘දිවයින’ට වාර්තා වේ.

ජනාධිපති මෛත්‍රිපාල සිරිසේන මහතා විසින් පත්කළ ජනාධිපති බැඳුම්කර කොමිසමේ නිර්දේශ හරිහැටි ක්‍රියාත්මක නොවීම ගැන ජන සමාජයේ කතාබහට ලක්විය. එම වංචාවන්ට වගකිවයුත්තන්ට එරෙහිව නීතිමය ක්‍රියා මාර්ග ගත යුතු බවට එම කොමිෂන් සභා වාර්තාවෙන් නිර්දේශ කරනු ලැබ තිබිණි.

Related posts

ශ‍්‍රී ලංකාවේ අන්තිම රජු කියාගෙන කනගරාජා නමැත්තෙක් ජිනීවා එයි

colombotoday

රුපියල් කෝටි 11කට ආසන්න මුදල් වංචා කළ සැකකරුවන් 57ක් අත්අඩංගුවේ

colombotoday

බහුතරය පිළිගන්නා නව කැබිනට් මණ්ඩලයක් පත් කරන්නැයි ආණ්ඩුවේ මන්ත්‍රීවරුගෙන් ජනපතිට ලිපියක්

colombotoday

දේශපාලකයන් හොදයි.. වැරැද්ද ජනතාව අතේ.. අළුත් ජනතාවක් පත්කර ගත යුතුයි – මැකො

colombotoday

උසස් පෙළ නැවත සමීක්ෂණ ප්‍රතිඵල නිකුත් වෙයි

Admin

පරිසර පනතට නව වගන්ති 42ක් | මාධ්‍ය තුළින් පළ වන කරුණු අසත්‍ය නොවෙයි. ප්‍රා.දේශපාලකයින්, ජාවාරම්කරුවන් මෙන් ම නිලධාරින් ද පරිසර හානි පසුපස සිටින බව නොරහසක් – මහින්ද අමරවීර

colombotoday