බි‍්‍රතාන්‍යයේ තහනම් සංවිධාන සම්බන්ධයෙන් නඩු විභාග සිදු කරන අභියාචනාධිකරණ කොමිසම බි‍්‍රතාන්‍ය තුළ LTTE සංවිධානය තවදුරටත් ත‍්‍රස්තවාදී සංවිධානයක් ලෙස හැදින්විය නොහැකි බවට තීන්දුවක් ලබාදී තිබෙනවා.
LTTE සංවිධානය තවදුරටත් තහනම් සංවිධානයක් ලෙස බි‍්‍රතාන්‍ය තුළ තහනම් කිරීමට ප‍්‍රමාණවත් සාක්ෂි නොමැති බවයි එම අභියාචනාධිකරණ කොමිසම බි‍්‍රතාන්‍ය රජයට දැනුම් දී ඇත්තේ.
පසුගිය වසර 10 තුළ LTTEය කිසිදු ප්‍රචණ්ඩකාරී ක්‍රියාවක් සිදුකළ නොමැති බැවින් එම සංවිධානය තහනම් කිරීමෙන් සියලු ද්‍රවිඩ ජනතාවගේ දේශපාලන ක්‍රියාකාරකම් කඩාකප්පල් වී ඇති බවට අභියාචනයක් ලැබී තිබුණා.
අදාළ අභියාචනය කරනු ලැබුවේ දෙමළ ඊලාම් සංක්‍රාන්තික රාජ්‍ය නම් සංවිධානය විසිනුයි.
කෙසේ වෙතත් මේ පිළිබඳව බ්‍රිතාන්‍ය රාජ්‍යයෙන් නිල නිවේදනයක් නිකුත් කර නොමැත.