බස්නාහිර පළාත් සභා රැුස්වීම් ශාලාවේ සවිකිරීමට ඇණවුම් කළ පුටුවක මිල රුපියල් 6,44,000 ක් නොව රුපියල් 8,44,000 ක් බව බස්නාහිර පළාත් ආණ්ඩුකාර හේමකුමාර නානායක්කාර මහතා ඊයේ (13 වැනිදා* පැවසීය.
මේ අනුව රුපියල් ලක්‍ෂ 997 ක වියදමින් ගෙන්වීමට ඇණවුම් කළ එම පුටු ටෙන්ඩරය ඊයේ අවලංගු කර ඒ බව බස්නාහිර පළාත් ප්‍රධාන ලේකම්වරයා වෙත දැනුම් දුන් බව ද ආණ්ඩුකාර කාර්යාලයේ පැවති මාධ්‍ය හමුවකදී ආණ්‌ඩුකාරවරයා පැවසීය.
මෙම පුටු ඇණවුම් කිරීම බස්නාහිර පළාත් මාර්ග සංවර්ධන අධිකාරියේ සභාපතිවරයාගේ අත්සනින් සිදුකර ඇති බවත් එය ඇතුළු කරුණු කිහිපයක්‌ මත ටෙන්ඩරය අවලංගු කළත් පුටු ඇණවුම් කළ සමාගමට වන්දි වශයෙන් සතයක්‌ හෝ ගෙවීමේ අවශ්‍යතාවක්‌ නොමැති බවත් ඒ මහතා අවධාරණය කළේය.