බන්ධනාගාර රැඳවියන් බැලීමට අද (15)දින සිට යළි අවස්ථාව සැලසෙන බව බන්ධනාගාර දෙපාර්තමේන්තුව පවසයි.
කෙසේවෙතත් සතියකට එක් වතාවක් පමණක් මෙලෙස රැඳවියන් බැලීමට අවස්ථාව හිමිවන බව බන්ධනාගාර කොමසාරිස් (පාලන) චන්දන ඒකනායක මහතා සඳහන් කරයි.
කොවිඩ් නයින්ටීන් වසංගත ව්‍යාප්තියත් සමග බන්ධනාගාර රැඳවියන් බැලීමේ අවස්ථාව තාවකාලිකව නවතා දැමීමට බන්ධනාගාර දෙපාර්තමේන්තුව පියවර ගත්තේය.
ඒ අනුව, පසුගිය සඳුදා දිනයේ දී සෞඛ්‍ය බලධාරීන් සමග පැවති සාකච්ඡාවකින් අනතුරුව අද දිනයේ සිට බන්ධනාගාර රැඳවියන් බැලීමට ඔවුන්ගේ පවුල්වල ඥාතීන්ට අවස්ථාව සලසාදීමට තීරණය කළ බව බන්ධනාගාර කොමසාරිස් (පාලන) චන්දන ඒකනායක මහතා සදහන් කළේය.
මේ අතර, සැකකරුවෙකුගේ ලේ ඥාතියෙකු මිය ගියහොත් දේහයට අවසන් ගෞරව දැක්වීම සඳහා බන්ධනාගාරයෙන් පිටතට යාමට ද අද සිට අවස්ථාව සැලසෙන බව ඒ මහතා පැවසීය.