Colombo Today Local News

“බදියුදීන් ගැන රහස් පොලිසියේ වාර්තාව අනුව පාර්ලිමේන්තුවත් ක්‍රියා කළ යුතුයි” අගමැති

පාස්කු ඉරිදා ප්‍රහාරය පිළිබඳව විමර්ශනය කළ රහස් පොලිසිය ඉදිරිපත් කළ වාර්තාවෙන් රිෂාඩ් බදියුදීන් ඇමැතිවරයා නිදොස් කර ඇති හෙයින් පාර්ලිමේන්තුවද ඒ වාර්තාව පදනම් කර ගනිමින් ක්‍රියා කළ යුතුව ඇතැයි අග්‍රාමාත්‍ය රනිල් වික්‍රමසිංහ මහතා ත්‍රිකුණාමලය කින්නයාහිදී ඊයේ (14) පැවසීය.

රිෂාඩ් බදියුදීන් ඇමැතිවරයාට චෝදනා 300ක් පමණ එල්ල වී තිබුණද එම චෝදනා හා බහුතරය කිසිදු පදනමක් නොමැති බවත් සමහර චෝදනා විභාග කර බැලුවත් පැමිණිලි කරන්නට කිසිවක් නොමැති බවත් රහස් පොලිස් වාර්තාවෙන් දැනුම් දී ඇතැයි ද අග්‍රාමාත්‍ය රනිල් වික්‍රමසිංහ මහතා සඳහන් කළේ ය.

කින්නියා මධ්‍ය මහා විද්‍යාලයේ ක්‍රීඩාගාරය විවෘත කිරීමේ උත්සවයට සහභාගීවෙමින් මේ පිළිබඳව තවදුරටත් අදහස් දැක්වූ අග්‍රාමාත්‍ය රනිල් වික්‍රමසිංහ මහතා මෙසේ කීය.

“පාස්කු ඉරිදා සිද්ධියෙන් පසු යුද හමුදාපතිට බලපෑමක් කළැයි රිෂාඩ් බදියුදීන් ඇමතිවරයාට මුලින්ම චෝදනාවක් එල්ල වුණා. පසුව යුද හමුදාපතිවරයා එවැනි බලපෑමක් නොකළ බව කියා තිබුණා.

රිෂාඩ් බදියුදීන් ඇමතිවරයා ගැන රහස් පොලිස් වාර්තාව කතානායකවරයාට යවා තිබෙනවා.

මේ පිළිබඳව කාදිනල්තුමා මුණගැසී කරුණු දැනුම් දෙන ලෙස රහස් පොලිසියට සහ තේරීම් කාරක සභාවට පවසා තිබෙනවා. කතෝලික ජනතාවට සාධාරණ කෝපයක් තිබුණා ඒ ගැන විභාග කරන්න. කවුරුන් හෝ බාධා කරනවා දැයි ඔවුන් දැනගත යුතුයි.

මෙම රහස් පොලිස් වාර්තාව ප්‍රතික්ෂේප කරන ලෙස ඇතැමුන් කියා තිබෙනවා. එය ප්‍රතික්ෂේප කිරීම නුවණට හුරු දෙයක් නොවේ. එක වාර්තාවක් ප්‍රතික්ෂේප කළොත් පොලිසියේ සම්පූර්ණ විභාගයන් ගැන සැකයක් ඇතිවෙනවා.

නඩුවක් පැවරීමේදී පවා එවිට ප්‍රශ්නයකට මුහුණ දිය හැකියි. වාර්තාවේ කොටසක් පිළිගෙන කොටසක් පිළිනොගන්නේ කෙසේදැයි කවරෙකුට වුවත් විමසීමට හැකියාව තිබෙනවා. එය රහස් පොලිසියේ කටයුතු අඩපණ කිරීමක්” යැයි අග්‍රාමාත්‍ය රනිල් වික්‍රමසිංහ මහතා පැවසීය.

Related posts

ගෑස් අනතුරකින් කාන්තාවක් මරුට

colombotoday

නැගෙනහිර සිංහලයන්ට සිදුවූ ඓතිහාසික අසාධාරණය….

colombotoday

අභාවප්‍රාප්ත වූ ඒලියන්ත වයිට් ගැන මාලිංග තැබූ සටහන

colombotoday

සහරාන් නොදන්නා බව හකීම් කියන්නේ පට්ටපල් බොරුවක්, සහරාන් වැඩකළෙත් මුස්ලිම් කොංග්‍රසයටයි !

colombotoday

මධ්‍යම සභාවේ බල පෙරළියක්.. ඇමතිකමෙන් ඉල්ලා අස්වූ ප්‍රමිත 11ක් සමග ස්වාධීන වෙයි

colombotoday

ජනපති උපදේශක සාලි ජිහාද් ත්‍රස්තයෙක්ද සැකයි.. වහාම අත්අඩංගුවට ගන්න.. පොලිස්පතිට පැමිණිලි

colombotoday