පොල් තෙල් වලට ෆාම් තෙල් මිශ්‍ර කර විකිණීමේ මහා පරිමාණ ජාවාරමක් රට පුරා ක්‍රියාත්මක වන බවත් බහුතරයක් දැනටමත් පරිභෝජනය කරනු ලබන්නේ අපිරිසිදු පොල්තෙල් බවත් පාරිභෝගික අයිතීන් සුරැකීමේ ජාතික ව්‍යාපාරය විශේෂ මාධ්‍ය නිවේදනයක් නිකුත් කරමින් පවසයි.
තත්වය මෙසේ වුවත් ශරීර සෞඛ්‍යයට අහිතකර යැයි කියමින් රජය පොල් තෙල් මිළ වැඩි කිරීමට සූදානම් වන බවට චෝදනා කරන එම සංවිධානය තහනම් කරනවානම් ශරීරයට අහිතකර තවත් ඕනෑ තරම් රසකාරක වෙළදපොළේ ඇති බවත්, එබැවින් රටපුරා විකිණීමට ඇති පොල් තෙල් පිළිබද වහා සොයා බලන ලෙසත් බලධාරීන්ගේ ඉල්ලා සිටී.