එළැඹෙන ජනපතිවරණය සඳහා එක්සත් ජාතික පක්ෂයේ නියෝජ්‍ය නායක සජිත් ප්‍රේමදාස ඉදිරිපත් වන බවටත් ඒ සඳහා එක්සත් ජාතික පෙරමුණට සම්බන්ධ පක්ෂ සහයෝගය ලබාගන්නා බවටත් වන යෝජනාව අග්‍රාමාත්‍ය රනිල් වික්‍රමසිංහ විසින් අද පැවැත්වෙන් එජාප සම්මේලන සභාවට යෝජනා කරනු ලැබීය.
එම යෝජනාව පක්ෂ සම්මේලනයට පැමිණි ජනතාවගේ ඒකච්ඡන්දයෙන් සම්මත විය.
එහිදී එක්සත් ජාතික පක්ෂයේ නායකත්වය තවදුරටත් රනිල් වික්‍රමසිංහ වන බවට ද යෝජනාවක් මෙම විශේෂ මහා සම්මේලනයේදි ස්ථිර කර ගනු ලැබීය.
එම යෝජනාව ද ඒකච්ඡන්දයෙන් සම්මත වූ අතර ඊට අමතරව තවත් යෝජනා කිහිපයක්ද මෙහිදි ස්ථිර විය.
විධායක ජනපති ධුරය අහෝසි කිරීම ඇතුළුව කරගෙන ආ ව්‍යවස්ථා කටයුතු ඉදිරියටත් පවත්වාගෙන යෑමට අදාළ යෝජනාවක්ද මෙහිදී සම්මත කර ගනු ලැබිණි.