ලබන වසර ආරම්භයේ දී ප්‍රබල කැබිනට් අමාත්‍ය ධුර කිහිපයක වෙනස්කම් වීමට නියමිත බව ආණ්ඩුවේ අභ්‍යන්තර ආරංචි මාර්ග පවසයි.
ඒ අනුව මුදල් ඇමැති රවී කරුණානායක, අධිකරණ ඇමැති විජේදාස රාජපක්ෂ හා රාජ්‍ය ව්‍යවසාය සංවර්ධන ඇමැති කබීර් හෂීම් යන මහත්වරුන්ගේ ඇමැති ධුර වෙනස් වීමට නියමිතය. කබීර් හෂීම් මහතාට මුදල් අමාත්‍ය ධුරය හිමි වනු ඇති බවටත් එම ආරංචි මාර්ග සඳහන් කරයි.
එමෙන්ම එජනිස තිදෙනකුට ඇමැති පදවි හිමි වීමට නියමිත බව පැවසේ. ඒ අනුව පවිත්‍රා වන්නිආරච්චි මහත්මියට රාජ්‍ය ඇමැති ධුරයක් ද ලක්ෂ්මන් සෙනෙවිරත්න මහතාට නියෝජ්‍ය ඇමැති ධුරයක් හා මනූෂ නානායක්කාර මහතාට ද නියෝජ්‍ය ඇමැති ධුරයක් හිමි වීමට නියමිත බවත් එම ආරංචි මාර්ග පවසයි.