Colombo Today Local News

දෙමළ සන්ධානයට කනේ පහරක්… හමුදා කදවුර ඉවත් කරනවාට එරෙහිව තිරුක්කෝවිල් වැසියෝ උද්ඝෝෂණයේ..

තිරුක්කෝවිල් ප‍්‍රදේශයේ පිහිටා ඇති හමුදා කඳවුර එයින් ඉවත් නොකරන ලෙස ඉල්ලා ප‍්‍රදේශවාසීන් පෙරේදා (25 දා) විරෝධතාවක නිරත විය. මෙම විරෝධතාව තිරුක්කෝවිල් හමුදා කඳවුර ඉදිරිපිට පැවති අතර විශාල පිරිසක් මෙයට සහභාගි වී සිටියහ.

මෙම හමුදා කඳවුර ඉවත් කිරීමෙන් මත්ද්‍රව්‍ය උවදුර වැඩි වීමටත් හා මත්ද්‍රව්‍ය භාවිතා කරන්නන්ගෙන් තර්ජන ඇති වීමටත් ඉඩ ඇති බව උද්ඝෝෂකයෝ කියා සිටියහ. එමෙන්ම හදිසි ආපදා තත්ත්වයන්හිදී හමුදාව විසින් ප්‍රදේශයේ ජනතාව මුදාගෙන ඇති බවත් හමුදාව ප්‍රදේශයෙන් ඉවත් කළහොත් තමන්ට ආරක්‌ෂාවක්‌ නොමැති බවත් දන්වා කෝමාරි 242 බලඇණියේ බ්‍රිගේඩියර් එච්. ජී. ඩී. රණසිංහ මහතා වෙත විරෝධතාකරුවන් විසින් සංදේශයක්‌ ද භාරදී ඇත.

මෙම හමුදා කඳවුර ඉවත් කර එහි ක්‍රීඩා පිට්‌ටනියක්‌ ඉදිකිරීමට දිගාමඩුල්ල දිස්‌ත්‍රික්‌ ද්‍රවිඩ ජාතික සන්ධාන පාර්ලිමේන්තු මන්ත්‍රී කේ. කෝඩීස්‌වරන් මහතා ජනාධිපති මෛත්‍රිපාල සිරිසේන මහතා සමඟ සාකච්ඡා කර තිබිණි. ඒ අනුව ඊයේ (26 වැනිදා) එම කඳවුර ඉවත් කිරීමට කටයුතු යොදා තිබිණි. මෙවන් තත්ත්වයක ප්‍රදේශවාසීන් පැවැත්වූ විරෝධතාවය හේතුවෙන් එහි පැමිණි තිරුක්‌කෝවිල් පොලිසිය ඔවුන්ගෙන් මෙම කඳවුර ඉවත් නොකරන ලෙස පවසන ලිපියක්‌ ලබා දෙන ලෙසත් ඉල්ලා සිටියහ.

(දිවයින)

Related posts

ට්‍රම්ප්ගේ බදු ගැහිල්ලෙන් ඇඟලුම් කර්මාන්තය කොට උඩ?

Admin

ආපදාවට ලක්වු නෞකාවේ ඇති සියලු ඉන්ධන වර්ගවල සාම්පල ගැනීම අද

colombotoday

“චෞර රැජින“ ට චතුර තොරතුරු දුන් හැටි වික්ටර් අයිවන් සහසුද්දෙන්ම කියයි (VOICE)

colombotoday

අවතැන් ජනයාට ආධාර පතා භික්ෂුන්වහන්සේ සියක් නමක් පිණ්ඩපාත චාරිකාවේ

colombotoday

ඡන්දය පාවිච්චි නොකිරීම විශාල පාපයක් – රනිල් වික්‍රමසිංහ කියයි

colombotoday

පුද්ගලික පාසල් 400කට කැබිනට් අනුමැතිය… අධ්‍යාපනය පෞද්ගලීකරණය තවත් පියවරකින් ඉදිරියට…

colombotoday