තෙරුවනට අපහාසවන අන්දමින් දේශන පැවැත් වූ තව්හීද් ජමාත් සංවිධානයට එරෙහිව ගොණු කරන ලද නඩුව අද 8 අලුත්කඩේ මහෙස්ත්‍රාත් අධිකරණයේ දී විභාගයට ගනු ලැබුවා. නඩුවට අදාළ සියලුම ලිපි ගොනුවල හා සීඩී පටවල නිවැරදි බව තහවුරු කරගැනීමට මොරටුව විශ්වවිද්‍යාලයට යොමු කොට ඇති බැවින් ඒ පිළිබද පරීක්ෂණ වාර්තාව ගරු අධිකරණයට ඉදිරිපත් කරන ලෙස මහෙස්ත්‍රාත් තුමා විසින් පොලීසියට නියෝග කරනු ලැබු අතර නීති උපදෙස් ලබා ගැනීම සදහා නඩුව නීතිපතිවරයා හමුවට ඉදිරිපත් කරන ලෙසද දැන්වූවා.
ඒ පිළිබදව අප සමග අදහස් දැක්වූ පැමිණිළි පාර්ශවයේ නීතීඥ දර්ශණ රන්මුතුගේ මහතා.
අදාල පරීක්ෂණ වාර්තාව ගරු අධිකරණයට ඉදිරිපත් කරන ලෙස මීට පෙර නඩු වාර දෙකේදීද ගරු විනිශ්චයකාර තුමා විසින් දන්වා තිබුණද මෙම නඩු වාරයේදීත් එම වාර්තාව ඉදිරිපත් කර තිබුනේ නැහැ.