ප්‍රංශයේ පැරිස් නුවරදී අද එල්ල වූ ත්‍රස්තවාදී ප්‍රහාර මාළාවෙන් පසුව බ්‍රිතාන්‍යයට සමීප ප්‍රංශයේ උතුරුදිග වෙරළේ පිහිටි Calais වරාය නගරය අසල වනාන්තර ප්‍රෙද්ශයේ පිහිටි අනවසර ඉස්ලාම් සංක්‍රමණික කදවුරු ගිනි තබා තිබෙන බව විදෙස් මාධ්‍ය වර්තා සදහන් කරයි.
Calais හී මෙම අනවසර කදවුරුවල 6000කට වැඩි පිරිසක් රැදී සිටින බවත් බ්‍රිතාන්‍යයට සංක්‍රමණය වීම සදහා එම පිරිස එහි රැදී සිට ඇති බවත් වාර්තා වේ. මේ වන විට එම ප්‍ර දේශයේ දැඩි ගැටුම්කාරී තත්වයක් හටගෙන ඇති අතර මෙම අනවසර සංක්‍රමණිකයන් පාලනය කිරීමට එරට රජය ක්‍රියා නොකළ බවත් එහි වැසියන් චෝදනා කරයි.
ඉස්ලාමීය අන්තවාදීන් විසින් ප්‍රංශය ආපස්සට ඇදගෙන යමින් සිටින බවත් මෙම අනවසර සංක්‍රමණික අවදානම ඉදිරියේදී ගරිල්ලා යුධ තත්වයක් දක්වා වර්ධනය විය හැකි බවත් එහි වෙසෙන ප්‍රංශ ජාතිකයන් ප්‍රකාශ කර ඇති බවද විදෙස් මාධ්‍ය වාර්තා දක්වනවා.
එමෙන්ම ප්‍රහාරයට සහභාගී වූ ත්‍රස්තවාදීන් “අල්ලාහ් අක්බර්” කියමින් කෑ ගසා ඇති බව පවසන විදෙස් මාධ්‍ය අදාල ප්‍රහාරයේ වගකීම අයි.එස්.අයි.එස් ත්‍රස්ත සංවිධානය භාරගෙන තිබෙන බවද වාර්තා කර තිබේ. ප්‍රහාරයට පැමිණි ත්‍රස්තවාදියෙකුගේ මළ සිරුර අසල තිබූ සිරියානු ගමන් බපත්‍රයක් හමුවී ඇති බවද වාර්තා වෙනවා.
ප්‍රංශය යුරෝපයේ වැඩිම ඉස්ලාමීය ජනගහනයක් වෙසෙන රට බව සදහන් වෙනවා. එම ප්‍රමාණය මිලියන 4.7 ක් බවයි පැවසෙන්නේ. ස්වදේශික ප්‍රංශ ජාතිකයන්ට වඩා ඉස්ලාම් ජනගහන ව්‍යාප්තික වේගයේ සීග්‍ර වර්ධනයක් පෙන්නුම් කරන අතර එම පිරිස සාමකාමී ප්‍රංශයේ මෙන්ම යුරෝපයේ ද අනාගත ඉරණම තීරණය කරනු ඇති බවයි විචාරකයන් පවසන්නේ.