ඇමෙරිකාවේ ටෙක්සාස්හි අගෝස්තු 4 වැනි දින සිදු වූ වෙඩිතැබීමෙන් තුවාල ලබා රෝහල් ගත කර ප්‍රතිකාර ලබමින් සිටි පුද්ගලයන් දෙදෙනෙකු ඊයේ(05) මිය ගොස් ඇතැයි ද, ඒ අනුව ටෙක්සාස් ප්‍රහාරයෙන් මිය ගිය සංඛ්‍යාව 22 දක්වා ඉහළ ගොස් ඇතැයි ද, පොලිසිය කියයි.
තුවාල ලැබූ පිරිස බැලීමට ඇමෙරිකානු ජනාධිපති ඩොනල්ඩ් ට්‍රම්ප් මහතා යෑමට නියමිත බවද වාර්තා වේ.
එල් පැසෝහි, ටෙක්සාස්වල සහ ඩේටන් නගරයේ ඉරිදා දිනයේ සිදු වූ වෙඩිතැබීම්වලින් 31 දෙනෙකු මිය ගොස් තිබිණි.
ටෙක්සාස්හි වෙඩිතැබීමේ සිද්ධියේ සැකකරු, පැට්‍රික් කෘසියස් නම් 21 හැවිරිදි තැනැත්තා අත්අඩංගුවට ගෙන තිබිණි.
මේ සම්බන්ධයෙන් වන පරීක්ෂණ අවසන් වනතෙක් ඔහුව සිර අඩස්සියේ තැබීමට අධිකරණය නියෝග කර ඇත.