“ඥානසාර හිමි දේශපාලන සිරකරුවෙක්” බව බොදු ප්‍රධාන විධායක නිලධාරී දිලන්ත විතානගේ මහතා ඊයේ (4) පැවති මාධ්‍ය හමුවක් අමතමින් සඳහන් කර සිටියා.
ඥානසාර හිමිට විරුද්ධව ලබා දුන් තීන්දුව අසාධාරණ සහ අයුක්ති සහගත බවත් මේ සිරගත කිරීම අධිකරණ ක්‍රියාමාර්ගයකින් සිදුවුවත් එය දේශපාලනික බව පෙන්වා දුන් ඒ මහතා මුල සිටම මේ රටේ නීති පද්දතිය වෙනස් කිරීමට ඥානසාර හිමි කතා කල බවත් පෙන්වා දුන්නා.
යම් යම් කාලවල දේශපාලකයින් තීන්දු ලබාදිය යුත්තේ කෙසේදැයි අධිකරණයට උපදෙස් දෙන බවට චෝදනා එල්ල වූ බවත් යහපාලනය යටතේ දැන් දේශපාලකයන්ට අවශ්‍ය තීන්දු අධිකරණය විසින්ම ලබාදෙන තත්වයට අධිකරණය හෑල්ලුවට පත්ව ඇති බව ප්‍රකාශ කර සිටි විතානගේ මහතා උසාවියට ගල් ගහපු අයට සමාව ලබා දීමත් අධිකරණයේ කතා කල පමණින් ඥානසාර හිමිට දරුණු දඬුවම් ලබා දීමත් දේශපාලනික කාරනා මත පදනම්ව සිදුවූ දේවල් බව පෙනෙන්නට තිබෙන බවත් සඳහන් කර සිටියා.