World

ජනතා විරෝධතා හමුවේ ලෙබනන් රජය ඉල්ලා අස්වෙයි

ලෙබනනයේ කැබිනට් මණ්ඩලය ඉල්ලා අස්වී තිබෙනවා. ඒ, රට තුළ කි‍්‍රයාත්මක මහජන විරෝධතා මාලාව හමුවේයි. තමන් ප‍්‍රමුඛ රජය ඉල්ලා අස්වන බව නිවේදනය කළේ ලෙබනනයේ අග‍්‍රාමාත්‍ය හසන් ඩයබ් විසින්.

රාජ්‍ය රූපවාහානිය හරහා ජනතාව අමතමින් අග‍්‍රාමාත්‍යවරයා රජයේ ඉල්ලා අස්වීම ප‍්‍රකාශයට පත් කළා. කෙසේවෙතත් නව කැබිනට් මණ්ඩලයක් පත්කර ගන්නා තුරු භාරකාරත්වයේ රැඳී සිටින ලෙසයි ලෙබනනයේ ජනාධිපති මයිකල් ඕන්, අග‍්‍රාමාත්‍යවරයා ප‍්‍රමුඛ රජයෙන් ඉල්ලීමක් කර තිබුණේ. එහෙත් රටතුළ පවතින මහජන විරෝධතා රැල්ල උත්සන්න වීම හේතුවෙන් අග‍්‍රාමතවරයා ප‍්‍රමුඛ කැබිනට් මණ්ඩලයට ඉල්ලා අස්වීමට සිදුවුණා.

ලෙබනන් වැසියන් මෙරට එලෙස පාලන තන්ත‍්‍රයට එරෙහිව විරෝධතා පවත්වමින් සිටින්නේ එරට බේරූට් අගනුවර වරාය තුළ ඉකුත් දා සිදුවූ ප‍්‍රබල පිපිරීම හමුවේයි. වරාය තුළ වසර 06 ක් පුරා ගබඩා කර තැබුණු ඇමෝනියම් නයිටේ‍්‍රට් ටොන් 2700 ක් එලෙස පුපුරා ගිය අතර 200 කට අධික පිරිසක් ඉන් මියගියා.

තුවාල ලැබූවන් සංඛ්‍යාව 4000 කට අධිකයි. රජයේ වගකීම් විරහිතභාවය මෙන්ම දූෂිත භාවයේ ප‍්‍රථිඵලයක් ලෙස මෙම විනාශකාරී පිපිරීම සිදුවූ බවටයි ලෙබනන් වැසියන් චෝදනා නගන්නේ.

Related posts

මුදල් නෝට්ටු, ජංගම දුරකථන තිර සහ මළනොබැදෙන ලෝහ මත කොරෝනා වෛරසය මාසයක කාලයක් නොනවැසි පවතිනවා

colombotoday

ඉතාලියේ මිලානෝ නගරයේ පිපිරීමක්

Admin

ලන්ඩන් ප්‍රහාරයේ වගකීම අයි.එස් සංවිධානය භාරගනී

colombotoday

ප්‍රංශයේ පාසල් දරුවන්ට අබාය තහනම් කෙරේ…

Admin

ට්‍රම්ප්, රිපබ්ලිකන් පක්ෂ ජනාධිපතිවරණ අපේක්ෂකත්වය බාරගනී

colombotoday

කොරෝනා නිසා ඉතාලියේ වෛද්‍යවරුන් 80ක් හෙද හෙදියන් 25ක් මියගිහින්

colombotoday