මාධ්‍යවේදීන් ඇවන්ගාඩ් සමාගමෙන් මුදල් ලබාගන ඇති බවත් එම මාධ්‍ය ආයතන සහ මාධ්‍යවේදීන් ඉදිරියේදී ජනතා විමුක්ති පෙරමුණේ නායක අනුර කුමාර දිසානායක හෙළි කරන බවත් කැබිනට් මාධ්‍ය ප්‍රකාශක රාජිත සේනාරත්න මහතා ඊයේ පැවතී මාධ්‍ය හමුවකදී සදහන් කළා. අමාත්‍ය රාජිත සේනාරත්න කැබිනට් මාධ්‍ය ප්‍රකාශක උවද මෙම අදහස් පළකිරීම සිදුකලේ ජනතා විමුක්ති පෙරමුණේ මාධ්‍ය ප්‍රකාශක ලෙස බවයි අවස්ථාවට සහබාගිවු මාධ්‍යවේදීන් සදහන් කලේ.
මැතිවරණ වේදිකාවේදී ජන්ද ගුන්ඩුවක් ලෙස ඇවන්ගාඩ් පතුරු ගැසූ මැති ඇමතිවරු අද අන්ත අසරණ තත්වයට පත්වී ඇත. මෙයට ප්‍රධානතම හේතුව වන්නේ ඇවන්ගාඩ් සමාගමේ කිසිදු නීතිවිරෝදී ක්‍රියාවක් ඔප්පුකර ගැනීමට ඔවුන්ට නොහැකි වීම සහ ඇවන්ගාඩ් සමාගමේ ප්‍රධානි නිශ්ශංක සේනාධිපති මහතාගෙන් ලබාගත් ප්‍රතිලාභ සාක්‍ෂි සහිතව ඔප්පු වීමයි.
තම නිරුවත වසා ගැනීම සදහා ඔවුන්ට කල හැකි එකම කාර්යය වන්නේ මාධ්‍ය මර්ධනය කිරීමයි. එහි පළමු පියවර වශයෙන් සත්හඩ මාධ්‍යවේදීන් කිහිප දෙනෙක් අපරාධ පරීක්ෂණ දෙපාර්තමේන්තුවට කැදවා බියවද්දවීමේ නිවට උපායක් අනුගමනය කරන ලදී. එහි දෙවන පියවර වශයෙන් මාධ්‍යවේදීන්ට අභූත චෝදනා නගා මඩ ගැසීමේ ක්‍රියාවලියක් ආරම්භ කරමින් සිට්යි. මෙයට මැදිහත්වී ඇති මැති ඇමතිවරු ශ්‍රී ලංකේය මඩ දේශපාලනයේ යෙහෙන් වැජබෙන්නන් වීමද විශේෂ කරුණකි.