කොරෝනා වසංගත රෝග තත්වය නිසා ශ්‍රී ලංකාවට පැමිණීමට නොහැකිව ඉන්දියාවේ චෙන්නායි නුවර රැදී සිටින ශ්‍රී ලාංකිකයන් 305 දෙනෙකු , යළි මෙරටට රැගෙන ඒම සදහා ශ්‍රී ලන්කන් ගුවන් සේවයේ විශේෂ ගුවන් යානයක් අද (12) දින උදෑසන කටුනායක ගුවන් තොටුපළෙන් චෙන්නායි බලා පිටත්ව ගියේය.
ශ්‍රී ලන්කන් ගුවන් සේවයේ යූ.එල්.- 1121 දරන එම විශේෂ ගුවන් යානය අද උදෑසන 7.25 ට ඉන්දියාවේ චෙන්නායි බලා පිටත්ව ගියේය. වෙනත් ගුවන් මගීන් නොමැතිව, ගුවන් යානා කාර්යය මණ්ඩලය පමණක් ගුවන් ගුවන් යානයෙන් චෙන්නායි බලා ගමන් ගත්හ.
මෙම ගුවන් යානය , මෙම ගුවන් මගීන් පිරිස ද රැගෙන යළි ආපසු අද (12) දහවල් 11.25 ට කටුනායක ගුවන් තොටුපළ වෙත ළගා වීමට නියමිතය.