Colombo Today Local News

ගෝඨාගේ ජයට අබමල් රේණුවකින්වත් ශ්‍රීලනිපය හානි කරන්නේ නෑ. තිලංග සුමතිපාල

ශ්‍රී ලංකා පොදුජන පෙරමුණේ ජනාධිපති අපේක්‍ෂක ගෝඨාභය රාජපක්‍ෂ මහතාගේ ජයග්‍රහණයට බාධා වන ආකාරයට කිසිදු තීන්දු තීරණයක්‌ ගැනීමට ශ්‍රී ලංකා නිදහස්‌ පක්‍ෂය කටයුතු නොකරන බව ශ්‍රී ලංකා නිදහස්‌ පක්‍ෂයේ උප සභාපති පාර්ලිමේන්තු මන්ත්‍රී තිලංග සුමතිපාල මහතා පැවසීය.

මේ වනවිට ශ්‍රී ලංකා නිදහස්‌ පක්‍ෂයත් ශ්‍රී ලංකා පොදුජන පෙරමුණත් අතර තිබෙන දේශපාලන දැනුම තවදුරටත් පුළුල් වී ඇති බවත් ඒ නිසා එක්‌සත් ජාතික පක්‍ෂයේ අපේක්‍ෂකයා පරාජය කිරීම සඳහා දිය හැකි සෑම සහයෝගයක්‌ම ගෝඨාභය රාජපක්‍ෂ මහතා වෙත ලබාදෙන බවත් සුමතිපාල මහතා ඊයේ (20 දා) පුංචි බොරැල්ල පරිවර්තන කේන්ද්‍රයේ පැවති මාධ්‍ය හමුවකට සහභාගි වෙමින් සඳහන් කළේය.

පක්‍ෂ දෙකේ පහළ මට්‌ටමේ පිරිස්‌ විවිධ අදහස්‌ ප්‍රකාශ කළ ද ජනාධිපති මෛත්‍රිපාල සිරිසේන මහතා සහ හිටපු ජනාධිපති මහින්ද රාජපක්‍ෂ මහතා හොඳ දේශපාලන ගමනක යෙදී සිටින බව කී සුමතිපාල මහතා එක්‌සත් ජාතික පක්‍ෂයට වාසිවන ආකාරයේ කිසිදු කටයුත්තක්‌ සිදු නොකරන බව ද කීවේය.

නායකයන් දෙදෙනාගේ දේශපාලන ගමන වෙනුවෙන් නොබෝ දිනකින් ශ්‍රී ලංකා නිදහස්‌ පක්‍ෂය තීන්දුවක්‌ ගන්නා බව ද සුමතිපාල මහතා වැඩිදුරටත් සඳහන් කළේය.

Related posts

අද දිනයේ ශ්‍රී ලංකාවෙන් කිසිදු කොරෝනා ආසාදිත රෝගියෙකු වාර්තා නොවෙයි

colombotoday

ඩඩ්ලි සිරිසේනත් ජනාධිපතිවරණයට ?

colombotoday

දරුවා පාසලට දා ආපසු යද්දී පියා වෙඩි කා මරුට

Admin

විල්පත්තුව සුරකින්න කෝටි දෙකක් අත්සන් කළත් මාව නවත්තන්න බෑ – කිසිවෙකුට බිය නැති බලවත් ඇමති රිෂාඩ් බදුයුදීන්

colombotoday

ජනපති නතරකළ ටැබ් ව්‍යාපෘතිය නැවතත් සූදානම්…

colombotoday

රට පුරා ලංගම බස්රථවල මැර ප්‍රහාර.. බස්වලට පොලිස් ආරක්ෂාව !

colombotoday