Colombo Today Local News

ගතවූ මාස 6තුළ කෝටි 2100ක විදේශ ආයෝජන ආපහු අරන් ගිහින්

2017 වසරේ දෙසැම්බර් මස 31 දිනය වන විට මෙරට පැවැති විදේශ ආයෝජන අරමුදල්වලින් රුපියල් කෝටි 2100ක පමණ මුදලක් ගතවූ මාස හය තුළ විදේශ ආයෝජකයන් විසින් ඉවත් කරගෙන තිබේ.

ශ්‍රී ලංකා මහ බැංකුවේ වාර්තා අනුව 2017-12-31 දින වන විට මෙරට මූල්‍ය වෙළෙඳපොළේ එක්රැස්ව තිබූ සමස්ත විදේශ ආයෝජනය රුපියල් කෝටි 32,200 කි. එම ආයෝජන ප්‍රමාණය මෙම ජූනි මස 14 දිනය වන විට රුපියල් කෝටි 2100කින් පමණ අඩුවී සමස්ත ආයෝජනය රුපියල් කෝටි 30,100 දක්වා පහත බැස ඇත. ඊට හේතුව මෙරට මුදල් ආයෝජනය කර තිබූ ලොව ප්‍රධාන පෙළේ මූල්‍ය භාරයන් හා ආයෝජකයන් තමන්ගේ ආයෝජන ශ්‍රී ලංකාවෙන් ඉවත් කර ගැනීමයි. අදාළ ආයෝජකයන් බහුතරය තමන්ගේ මූල්‍ය ආයෝජන සිදුකර තිබුණේ භාණ්ඩාගාර බිල්පත්, භාණ්ඩාගාර බැඳුම්කර ආදියෙහිය.

ලෝක ප්‍රකට මූල්‍ය ආයෝජන සමාගම්වල ටෙම්පල්ටන්, බ්ලැක් රොක් පිඩෙලිට්, පිම්කෝ ආදී සමාගම් මෙරට මුදල් ආයෝජනය කළ ප්‍රධාන සමාගම්ය. භාණ්ඩාගාර බැඳුම්කරවලට මෙරට ගෙවන පොලිය ඉහළ මට්ටමක තිබියදීත් අදාළ ආයෝජන ආයෝජකයන් විසින් ඉවත් කරගෙන ඇත්තේ පවත්නා දේශපාලන අස්ථාවර තත්ත්වය නිසා යැයි මූල්‍ය හා ආයෝජන විශේෂඥයෝ පවසති.

දේශය

Related posts

මත්ද්‍රව්‍ය කිලෝ 250ක් සමග විදේශිය ධීවර යාත්‍රාවක් ජාත්‍යන්තර මුහුදේදී නාවික හමුදා භාරයට

colombotoday

මුලතිව් කැලෑවකින් බෝම්බ ඇතුළු යුද උපකරණ තොගයක් හමුවෙයි.

colombotoday

ටෝනි බ්ලෙයාර් සම්බන්ධන් හමුවෙයි.. උතුරෙන් හමුදා ඉවත් කිරීම, බලය බෙදීම ගැන සාකච්ඡා

colombotoday

රතන හාමුදුරුවෝ මන්ත්‍රීධූරය ඩැහැ ගන්න හදනවා. ඒ නිසා නඩු දැම්මා – අපේ ජනබල පක්ෂය සභාපති කියයි

colombotoday

ගස් හිටවන්න බෑ… අභියාචනාධිකරණය දුන් නියෝගය බලරහිත කරන්නැයි බදියුදීන් ඉල්ලයි

colombotoday

අද රාත්‍රී 9 සිට ඉන්ධන මිල පහතට

colombotoday