කොළඹ රාජකීය විද්‍යාලයේ විදුහල්පතිවරයාට ද මුදල් අක්‍රමිකතා සම්බන්ධ චෝදනා හේතුවෙන් ස්ථාන මාරුවක් ලබා දීමට තීරණය කර ඇති බව අධ්‍යාපන අමාත්‍යංශයේ ආරංචි මාර්ගවලින් වාර්තා වේ.
මෙම මුදල් අක්‍රමිකතාව සම්බන්ධයෙන් අධ්‍යාපන අමාත්‍ය අකිල විරාජ් කාරියවසම් මහතා රාජකීය විද්‍යාලයේ විදුහල්පතිවරයාට දැඩිව අවවාද කර ඇති බවද පැවසේ.
මේ අතර මෙම විදුහල්පතිවරයා නුගේගොඩ ප්‍රදේශයේ වැඩ වසන එක්සත් ජාතික පක්ෂයට සම්බන්ධ ස්වාමින් වහන්සේ නමක් මගින් අදාළ ස්ථාන මාරුව වෙනස් කර ගැනීමට උත්සාහ දරන බව ද අධ්‍යාපන අමාත්‍යංශයේ ආරංචි මාර්ග සඳහන් කළා.
කෙසේවුවද අධ්‍යාපන අමාත්‍යවරයා සිය තීරණය සම්බන්ධයෙන් දැඩිව සිටින බවද වාර්තා වේ.