ඉන්දීය රජයේ නියෝග පිලිනොපදිමින් දිල්ලියේ ඉස්ලාම් ආගමික රැස්වීමක් පවත්වා කොවිඩ් -19 වෛරසය ව්‍යාප්ත කිරීම හේතුවෙන් තබ්ලික් ජමාත් ඉන්දීය නායක මවුලානා සාද් ට එරෙහිව එරට පොලිසිය විසින් මිනීමැරුම් චෝදනා ගොනු කර තිබෙනවා.
මේ වන විට මුහම්මද් මවුලානා සාද් විසින් නොතීසි දෙකක් නොසලකා හැර ඇති බවයි දිල්ලි පොලිසිය සඳහන් කර සිටින්නේ.
මෙම ඉස්ලාම් ආගමික රැස්වීම හේතුවෙන් රට පුරා රෝගීන් 1,023 ක් වාර්තා වී ඇති අතර විදේශීය රටවල් ගණනාවකට ව්‍යාප්ත කර ඇතැයි විශ්වාස කෙරේ.
දිල්ලි පොලිසිය පැවසුවේ මවුලානා සාද්ට මිනීමැරීමේ චෝදනා එල්ල වී ඇති අතර එයින් අදහස් කරන්නේ ඔහුට ඇප ඉල්ලුම් කළ නොහැකි බවත්ය.
මේ වනවිට මවුලානා සාද් සැඟව සිටියි.