සංවිධානාත්මක අපරාධකරුවෙකු වන “කෙසෙල්වත්තේ දිනුකගේ” සමීපතමයෙකු මත්ද්‍රව්‍යය සමග එඩේරමුල්ල ප්‍රදේශයේ දී අත්අඩංගුවට ගෙන තිබේ.
පොලිස් විශේෂ කාර්යය බලකායට ලැබුණු තොරතුරකට අනුව සිදුකළ වැටලීමක දී ඊයේ රාත්‍රී “කෙසෙල්වත්තේ කසුන්” නමැති මෙම සැකකරු අත්අඩංගුවට ගෙන ඇති බව වාර්තා වේ.
අත්අඩංගුවට ගත් සැකකරු සතුව තිබී හෙරොයින් ග්‍රෑම් 06ක්, තියුණු අවි ආයුධ කිහිපයක් පොලීසිය විසින් සොයාගෙන තිබේ.
ඊට අමතරව මත්ද්‍රව්‍ය ජාවාරමින් උපයාගත් මුදල්වලින් ලබා ගන්නා ලද ලොරි රථයක් සහ නවීන යතුරු පැදි තුනක් ද සොයාගෙන ඇති බව වාර්තා වේ.
මෙම සැකකරුගේ බැංකු ගිණුම්වල රුපියල් මිලියන 183කට අධික මුදලක් සංසරණය වී ඇති බවට ද පොලීසිය සිදුකළ මූලික විමර්ශනවලින් අනාවරණය වී තිබේ.