Colombo Today Local News

කැබිනට්, රාජ්‍ය ඇමතිලා 30 කට යනෙන මං නැතිවෙයි

wim+gossip-lanka (1)

අමාත්‍යාංශ සඳහා ගොඩනැඟිලි සොයාගත නොහැකිව කැබිනට්‌ සහ රාජ්‍ය ඇමැතිවරු තිහකට ආසන්න සංඛ්‍යාවක්‌ දැඩි අර්බුදකාරී තත්ත්වයකට පත්ව සිටින බව ආණ්‌ඩුවේ ප්‍රකාශකයෙක්‌ පැවසීය.

මෙම ඇමැතිවරු සියලු දෙනා තම අමාත්‍යාංශ පිහිටුවීම සඳහා ගොඩනැඟිලි සොයන්නේ කොළඹ නගරය තුළින් වීම නිසා මෙම තත්ත්වය හටගෙන ඇතැයි ද හෙතෙම වැඩිදුරටත් ප්‍රකාශ කළේය.

අමාත්‍යාංශ සඳහාම ඉදිකළ බත්තරමුල්ල සෙත්සිරිපාය නව ගොඩනැඟිල්ල ද කල් තියා සමහර ඇමැතිවරුන් විසින් වෙන්කරගෙන ඇති නිසා සෙසු ඇමැතිවරුන්ට එහි ඉඩකඩ නොමැති බව ද ඉහත ප්‍රකාශකයා කීවේය.

බොහෝ ඇමැතිවරුන් කොළඹ හා ඊට ආසන්නව තම අමාත්‍යාංශ ආරම්භ කිරීම සඳහා සොයන්නේ පුද්ගලික ගොඩනැඟිලි බව ද ඒ සඳහා කිසිදු ටෙන්ඩර් කැඳවීමක්‌ මෙතෙක්‌ කර නැතැයි ද හෙතෙම ප්‍රකාශ කළේය.

මේ අතර අමාත්‍යාංශවලට විෂයයන් පැවරීම සම්බන්ධයෙන් කැබිනට්‌ ඇමැතිවරුන් සහ රාජ්‍ය ඇමැතිවරුන් අතර ද මේ වන විට ගැටුම් නිර්මාණය වී තිබෙන බව ඔහු පැවසුවේය.

කැබිනට්‌ ඇමැතිවරයා විසින් අදාළ අමාත්‍යාංශ යටතේ ඇති වැදගත් විෂයයන්, ආයතන සහ මණ්‌ඩල ඔවුන් යටතට පවරාගෙන ඇතැයි ද තමන්ට කිසිදු වගකීමක්‌ ලබා දී නැතැයි ද රාජ්‍ය ඇමැතිවරු චෝදනා කරන බව ද කී හෙතෙම ඇතැම් රාජ්‍ය ඇමැතිවරුන්ට හිමි වාහන පවා කැබිනට්‌ ඇමැතිවරුන් විසින් පවරාගෙන ඇතැයි ද කීය.

මේ නිසා රාජ්‍ය ඇමැතිවරු ගණනාවක්‌ දැඩි කලකිරීමකින් යුතුව පසුවන බව ද කැබිනට්‌ ඇමැතිවරුන් විසින් පවත්වන පුවත්පත් සාකච්ඡා සඳහා ද රාජ්‍ය ඇමැතිවරුන්ට කැඳවීමක්‌ නොකරන බව කීය.

Related posts

ලංකාව ඇතුළු රටවල් 12කට සෞදියට ඇතුළුවීම තහනම්

colombotoday

කසුන් කල්හාර සිස්ටම් එක චේන්ජ් කරන්න කලින් මලකඩ කාපු ඇඳක් උඩ මරණය එනකල් බලං ඉන්න තාත්තාව බලපන්

colombotoday

‘සතොස’ වසා දැමීමට තීරණයක්

Admin

සිංහ කොඩිය එවරස්ට් කඳු මුදුනේ.. ලාංකික කත වාර්තා පොතට එක්වෙයි

colombotoday

ශ්‍රී ලංකව සතු මහා ධන උල්පතක් ඉන්දියාවට පවරා දීමට කැබිනට් අනුමැතිය…

colombotoday

බස් ගැමුණුට බැහැ දොස්තරලා හිරේ යවන්න.. සයිටම් තීන්දුව ඉදිරියේදී වෙනස්විය හැකියි !!

colombotoday