වෛද්‍යවරයෙකු ලෙස පෙනී සිටිමින් කරාපිටිය ශික්ෂණ රෝහලේ සැරිසැරූ තරුණයෙකු පොලීසිය අද අත්අඩංගුවට ගෙන තිබෙනවා.
අත්අඩංගුවට ගන්නා අවස්ථාවේදී ඔහු සතුව තිබී වෙද නලාවක්, දිනපොතක් සහ ජංගම දුරකථනයක් සොයා ගත් බව පොලීසිය සඳහන් කළා.
අත්අඩංගුවට ගත් සැකකරු දික්වැල්ල – බතීගම ප්‍රදේශයේ පදිංචි 30 හැවිරිදි තරුණයෙක් වන අතර පසුව සිදුකරන ලද විමර්ශනවලදී හෙලිව ඇත්තේ සැකකාර තරුණයා මානසික ආබාධයකින් පෙළෙන්නෙකු බවයි.