සිය දේශසීමාව උල්ලංඝනය කරමින් ඉන්දියාව ඊයේ එල්ලකරනු ලැබු ගුවන් ප්‍රහාරයට පිළිතුරු වශයෙන් පාකිස්ථානය මේවන විට ප්‍රතිප්‍රහාර එල්ල කිරීම ආරම්භ කර තිබෙනවා.
ජම්මු හා කාශ්මීර් දේශසීමාවේ පිහිටි ඉන්දීය ආරක්ෂක හමුදා ඉදිරි ආරක්ෂක වලල්ල ඉලක්ක කරගනිමින් පාකිස්ථානු හමුදාව මෝටාර් ඇතුළු බර අවි උපයෝගි කරගනිමින් ප්‍රහාර එල්ල කරමින් සිටින බවයි ඉන්දීය යුධ හමුදාව නිකුත් කළ නිවේදනයක දැක්වෙන්නේ.
දෙරට අතර පවතින සටන් විරාමය උල්ලංඝණය කරමින් පාකිස්ථානය විසින් ආරම්භ කර තිබෙන ප්‍රහාරවලට ප්‍රතිප්‍රහාර එල්ල කිරීමෙන් පාකිස්ථානු හමුදාවේ මුරපොලවල් 05 ක් විනාශ කළ බව ඉන්දීය මාධ්‍ය වාර්තා සඳහන් කළා.
ඇතිවි තිබෙන උණුසුම් තත්ත්වය හේතුවෙන් දේශසීමාව ආසන්නයේ කිලෝමීටර් 05 ක වපසරිය තුළ සිටින ජනතාවගේ දෛනික කටයුතු මුළුමනින්ම බිඳවැටී ඇති බවද එම මාධ්‍ය වාර්තා වැඩිදුරටත් පෙන්වා දෙනවා.