ඇෆ්ගනිස්තානයේ කාබුල් අගනුවර සීක්-හින්දු ආගමික ස්ථානයකට අද (25) එල්ල වූ ප්‍රහාරයකින් 25 දෙනෙක් ජීවිතක්ෂයට පත්වූහ.
‘‘අද එල්ල වූ ප්‍රහාරයෙන් අවාසනාවන්ත විදියට 25 දෙනකු ජීවිතක්ෂයට පත්වුණා. අට දෙනෙක් තුවාල ලැබුවා’’ යැයි ඇෆ්ගනිස්තාන අභ්‍යන්තර කටයුතු අමාත්‍යාංශයේ ප්‍රකාශක තරීක් ආරියන් පැවැසීය.
ආගමික ස්ථානයේ සිටි 80 දෙනකු මුදාගත් බවත් හෙතෙම කීය. ඉස්ලාමික රාජ්‍ය ත්‍රස්තවාදීහු ප්‍රහාරයේ වගකීම බාරගෙන තිබිණි.
ආරක්ෂක අංශ සහ ප්‍රහාරකයන් අතර පැය කිහිපයක් තිස්සේ වෙඩිහුවමාරු වූ බවත් ප්‍රහාරය එල්ලකළ තුවක්කුකරුවන් සියලු දෙනා හමුදාව එල්ල කළ ප්‍රහාරවලින් මියගිය බවත් ඇෆ්ගන් බලධාරීහු සඳහන් කරති.