සංශෝධනයට නියමිත ආණ්ඩුක්‍රම ව්‍යවස්ථාවෙන් දෙමළ සහ මුස්ලිම් අභිලාශයන් පුළුල් බලය බෙදීමක් මගින් ලබා ගැනීම සදහා අදහස් ඉදිරිපත් කිරීමට දෙමළ ජාතික සන්ධානය හා ශ්‍රී ලංකා මුස්ලිම් කොන්ග්‍රසය අතර විශේෂ සාකච්ඡාවක් පසුගිය (30)වන දින කොළඹ 7 විපක්ෂ නායක නිල කාර්යාලයේදී පැවැත්විණි.
දෙමළ සහ මුස්ලිම් ජනවර්ගය එකම භාෂාවක් කතා කරන එක් ජනවර්ගයක් ලෙස එක්වී 2016 වසරේ සකස් කිරීමට නියමිත නව ආණ්ඩුක්‍රම ව්‍යවස්ථාවෙන් සිය අභිලාෂයන් දිනා ගැනීම සදහා දේශපාලන විසදුමක් ලබාගැනීම ඇතුළුව සියළු කරුණු වලදී එකම අදහස් ඉදිරිපත් කිරීමේ අරමුණින් මුස්ලිම් කොංග්‍රසය සමග එහිදී එකගත්වයකට පැමිණි බවද සිය අරමුණ වෙනුවෙන් අඛණ්ඩවම ඉදිරියටත් මුස්ලිම් කොංග්‍රසය සමග සාකච්ඡා කරන බවද ද්‍රවිඩ සන්ධාන පාර්ලිමේන්තු මන්ත්‍රී එම්.ඒ. සුමන්තිරන් සාකච්ඡාව සම්බන්ධයෙන් අදහස් දක්වමින් පැවසීය.
මෙම සාකච්ඡාව සදහා විපක්ෂ නායක ද්‍රවිඩ සන්ධානයේ නායක ආර්.සම්බන්ධන්, මාවෙයි සේනාධිරාජා, එම්.ඒ. සුමන්තිරන් සහ මුස්ලිම් කොංග්‍රස් නායක රාවූෆ් හකීම්, නිශාම් කාරියප්පර් ඇතුළු පිරිසක් සහභාගී විය.