World

අමෙරිකාව යළි ඇවිලෙයි.. දරුවන් තිදෙනා බලා සිටියදීම පියාට පොලිසියෙන් වෙඩි පිට වෙඩි (PHOTOS)

29 හැවිරිදි කලු ජාතිකයෙකුට සිදුකළ වෙඩි තැබීමක් හේතුවෙන් අමෙරිකාවේ ප්‍රාන්ත කිහිපයක මේ වන විට යළිත් වරක් දැවැන්ත විරෝධතා ව්‍යාපාරයක් ආරම්භ වී තිබේ.

ජෙකොබ් බ්ලේක් නම් 29 හැවිරිදි මෙම කලු ජාතිකයාට Wisonsin ප්‍රාන්තයේ පිහිටි Kenosha පොලිස් දෙපාර්තමේන්තුවේ නිලධාරින් දෙදෙනෙකු විසින් වෙඩි ප්‍රහාර 07ක් එල්ල කොට තිබුණේ ඔහුගේ දරුවන් තිදෙනා ඉදිරියේදීය.

මෙම කලු ජාතික පුද්ගලයාට පොලිසියෙන් වෙඩි තැබීමට පෙර ඔහු සහ පොලිස් නිලධාරින් අතර යම් පොර බැදීමක් සිදුව ඇති බව ඇසින් දුටු සාක්ෂි ඇති බවයි විදෙස් මාධ්‍ය වාර්තා හෙළිකර සිටින්නේ.

බ්ලේක් හට පොලිසියේ නිලධාරින් වෙඩි තබා ඇත්තේ ඔහු පොලිස් නිලධාරීන්ගේ ග්‍රහණයෙන් මිදී සිය වාහනයට ගොඩවීමට උත්සහ දරන අවස්ථාවේදී බවයි මේ වන විට අන්තර්ජාලයට එක්ව තිබෙන වීඩියෝ දෙකකින් හෙළිව ඇත්තේ.

පොලිසිය විසින් මෙම වෙඩි ප්‍රහාරයන් එල්ල කරන විට ජෙකොබ් බ්ලේක් ගේ වයස අවුරුදු 8,5 සහ 03 වන වියේ පසුවන දරුවන් තිදෙනා වාහනයේ සිට සියල්ල දැක තිබෙන බවට හෙළිව තිබේ.

වෙඩි ප්‍රහාරයෙන් පසුව බ්ලේක් මේ වන විට රෝහල් ගත කොට ඇති අතර ඔහුගේ ඉනෙන් පහළ කොටස අප්‍රාණික තත්ත්වයට ලක්ව ඇති බවට වෛද්‍යවරුන් නිගමනය කර ඇත.

දිගින් දිගටම පොලිසියෙන් සිදුවන ආසාධාරණකම් වලට එරෙහිව මේ වන විට අමෙරිකාවේ නගර රැසක විරෝධතා දියත්ව තිබේ.

Related posts

ප්‍රංශයට කොරෝනා ගෙනා දේවමෙහෙය

colombotoday

විශ්වාසභංගයෙන් පසු නේපාලයේ අග්‍රාමාත්‍ය ධුරය ශර්මා ට

Admin

අමෙරිකාවේ රික්ටර් මාපකයේ ඒකක 5.1ක ප්‍රබල භූකම්පනයක්

Admin

ඉස්ලාම් රාජ්‍ය ත්‍රස්ත භීතිකාව: පල්ලිවලට යෑමේදී ප්‍රවේශම්වන්න.. බ්‍රිතාන්‍ය පොලීසිය අනතුරු අගවයි

colombotoday

ඇෆ්ඝනිස්තානයෙන් අවසාන විදෙස් හමුදා කණ්ඩායම් ඉවත්වෙති

colombotoday

‘අල්ලාහු අක්බර්’ කෑගසමින් පිහියක් රැගෙන දිව ආ පුද්ගලයකුට ආරක්ෂක අංශ වෙඩි තබයි

colombotoday