ලංකාව මේ වන විට දැඩි අවධානමකට ලක්ව ඇති බවත් තවත් වසර දෙකක් පමණ ගත වන විට ණයක් හෝ ලබාගැනීමට අවස්ථාන නොලැබෙනු ඇති බවත් පාර්ලිමේන්තු මන්ත්‍රී මහින්ද අමරවීර මහතා සඳහන් කළේය.
පාර්ලිමේන්තුවේදී අද (21දා) අයවැය කාරක සභා විවාදයට එක්වෙමින් ඔහු මේ බව ප්‍රකාශ කළේය. එසේම බොහෝ කාලයට පෙර ලංකාව සංවර්ධනය වෙමින් පවතින රටක් බවට සඳහන් කළ බවත් වර්තමානයේදීත් ශ්‍රී ලංකාව සංවර්ධනය වෙමින් පවතින රටක් යැයි සඳහන් කරන බවත් ඔහු ප්‍රකාශ කළේය.
ශ්‍රී ලංකාවේ ආදායමෙන් ණය හා පොලී ගෙවීමෙන් පසුව ඉතිරවන්නේ සුළු මුදලක් බවද ඔහු පෙන්වා දුන්නේය. මේ වන විට පුද්ගලයන් 17කට එක් අයෙක් රජයේ සේවකයෙක් බවට පත්ව ඇති බවත් ඔහු වැඩිදුරටත් ප්‍රකාශ කළේය.