ජනතාව අතර බෙදීම් ඇති කරන දේශපාලනයක් එක්සත් ජාතික පක්ෂයට නොමැති බව එම පක්ෂයේ පක්ෂ නායක රනිල් වික්‍රමසිංහ මහතා පවසයි.
මෙවර මහමැතිවරණයේ දී එක්සත් ජාතික පක්ෂය නියෝජනය කරමින් මඩකලපුව දිස්ත්‍රික්කයට තරග වදින අපේක්ෂකයින්ගේ ජය තහවුරු කිරීමේ ජන හමුවක් ඊයේ (23)දින මඩකලපුව නගරයේ දී පැවැත්වුණි. එම ජනහමුවට රනිල් වික්‍රමසිංහ මහතා ද සහභාගී විය.
අන්තවාදයට, ත්‍රස්තවාදයට හා ආගම්වාදයට සිය පක්ෂයෙන් ඉඩක් ලබා නොදෙන බවත් සියලු ජාතීන් එක් කරගත් සංවර්ධන වැඩපිළිවෙලකට රට රැගෙන යාමට සිය පක්ෂයට හැකියාව ඇති බව ද එහිදී අදහස් දක්වමින් රනිල් වික්‍රමසිංහ මහතා පැවසීය.