ප්‍රදීප් අමිර්තනායගම් , අග්‍රාමාත්‍ය රනිල් වික්‍රමසිංහගේ නියෝජ්‍ය කාර්ය මණ්ඩල ප්‍රධානී ලෙස පත් කර ඇත.
අමිර්තනායගම් එක්සත් රාජධානියේ වරලත් අලෙවිකරණ ආයතනයේ අධිශිෂ්‍යත්වලාභියෙකි. ජනමාධ්‍ය, ප්‍රචාරණ හා පරිපාලන ක්ෂේත්‍රයේ වසර 30 කට අධික අත්දැකීම් ඇති ඒ මහතා ජාතික රූපවාහිනිය, ස්වාධීන රූපවාහිනිය, ජාතික ගුවන් විදුලිය යන ආයතනයන් හි ප්‍රවෘත්ති නිවේදකයෙකු හා විස්තර විචාරකයෙකු ලෙස ද කටයුතු කර ඇත.
1990 වසරේ ආරම්භ කෙරුණු හෝම්ස් පොලාඩ් වෙළඳ ප්‍රචාරණ ආයතනයේ නිර්මාතෘවරයා ද වන අමිර්තනායගම් මහතා 2015 වසරේ සිට පීපල්ස් ලීසිං හා ෆිනෑන්ස් සමාගමේ නියෝජ්‍ය සභාපති ලෙස ද කටයුතු කරයි.
අනුර බණ්ඩාරනායක පදනමේ අධ්‍යක්‍ෂවරයෙක් ලෙස ද ක්‍රියා කරන අමිර්තනායගම් මහතා බටහිර කොළඹ රොටරි සමාජයේ 50 වන සභාපතිවරයා ද වෙයි