Colombo Today Local News

රට, දැය, සසුන රකින්න, තුණුරුවන් වැදල ගිහින් ගෝඨාභයට ඡන්දය දෙන්න – බොදුණුවන් පිරිවරා ඤාණානන්ද හිමියෝ ජාතියෙන් ඉල්ලති

රටේ ජාතියේ, සසුනේ ආරක්ෂාව උදෙසා ගෝඨාභය රාජපක්ෂ මහතා රටේ නායකත්වයට පත්කළ යුතු බව පූජ්‍ය කිරිබත්ගොඩ ඤාණානන්ද හිමියෝ පවසති.

කිරිබත්ගොඩ ඥානානන්ද හිමියන් ඇතුළු සමස්ථ මහමෙව්නාව භාවනා අසපු සංචිතය මෙවර ජනාධිපතිවරණයේ දී තම සහයෝගය ජනාධිපති අපේක්ෂක ගෝඨාභය රාජපක්ෂ මහතාට ලබා දීමට ගත් තීරණය පසුගිය දා මහාවංශාභිමානී කෘතිය එළි දැක්වීමේ මහා සමුළුවේ දී ප්‍රකාශයට පත්කෙරිණි.

කිරිබත්ගොඩ හිමියන් හෝ මහමෙව්නාව අසපු සංචිතය මෙතෙක් දේශපාලන කරුණු වල දී ඍජුව මැදිහත් වනු දක්නට නොලැබුණු අතර මෙවර මැතිවරණයේ දී බුද්ධ ශාසනයේ අනාගතය වෙනුවෙන් තමන් වහන්සේ මෙම තීරණය ගත් බව එම හිමියන් සඳහන් කරති.

උන්වහන්සේ මේ වන විට බෞද්ධ ගුරු හිමි නමකට සිටින වැඩිම ශිෂ්‍ය පිරිස වන 1000 ට අධික සඟ පිරිසකට අනුශාසනා කරන අතර උන්වහන්සේ සමඟ ලක්ෂ සඛ්‍යාත ගිහි දායක පිරිසක් ද සිටී.

දේශීය සහ විදේශීය වශයෙන් අසපු ශාඛා 100 ට ආසන්න ප්‍රමාණයක් උන්වහන්සේ යටතේ පැවතීම සහ උන්වහන්සේ සිදු කරන වාර්ෂික පින්කම් වල දී ලක්ෂ 4ක පමණ සැදැහැවතුන් පිරිසක් උන්වහන්සේ සමඟ එකතු වන නිසා උන්වහන්සේ ගේ මෙම තීරණය මෙවර ජනාධිපතිවරණයේ දී තීරණාත්මක සාධකයක් වනු ඇත.

පසුගියදා එක්තරා හිමිනමක් සජිත් ප්‍රේමාදාස මහතාගේ වේදිකාවේ අදහස් දක්වමින් කියා සිටියේ ගෝටාභයගේ අධාරකරුවන්ට අරක්කු කසිප්පු බොන්නට දී ඡන්දය දැමීම වැළැක්විය යුතු බවයි.

කිරිබත්ගොඩ ඥාණානන්ද හිමියන් පැවසුවේ තමන් වහන්සේලා අනුශාසනා කරන්නේ බීමත්කමෙන් වැළකී තුණුරුවන් වැද ගෝඨාභය රාජපක්ෂ මහතා දිනවීමට ඡන්දය භාවිතා කරන ලෙස බවයි.

Related posts

නිදහස් පක්ෂ විශේෂ නියෝජිත සමුළුව අද ජනපති ප්‍රධානත්වයෙන්

colombotoday

අනතුරකින් සිසුන් 13ක් රෝහලේ… ප්‍රවාහන පහසුකම් නොමැති සිසුන් 37ක් ලොරි රථයේ ගමන් කරලා…

colombotoday

ජාතික ආරක්ෂාව තහවුරු කරන එකට පකිස්ථානය අකමැතිද?

colombotoday

ආර්ථිකය වැටුණු නිසා මහින්ද බලය දමා පැන ගියා.. අපි ඇවිත් ආර්ථිකය හැදුවා – අගමැති කියයි

colombotoday

ධීවරයින්ගේ භූමිතෙල් සහනාධාරය පිළිබඳ විශේෂ සාකච්ඡාවක්

colombotoday

කොරෝනා යැයි සැක අටළුගම 20 ක් බණ්ඩාරගම නිරෝධායන මධ්‍යස්ථානයකට

colombotoday