කොරෝනා වයිරසය මැඩපැවැත්වීම සඳහා තායිලන්තයේ මාසයක කාලයක් සඳහා හදිසි තත්ත්වයක් ක්‍රියාත්මක කිරීමට තීරණය කර තිබේ.
මේ අනුව මාර්තු 26 වනදා සිට රටපුරා හදිසි තත්ත්වය බලපැවැත්වෙන බව තායිලන්ත බලධාරීහු පවසති.
මැලේසියාවෙන් පසු කළාපයේ වැඩිම ආසාදිතයන් සංඛ්‍යාව තායිලන්තයෙන් වාර්තා වන අතර අඟහරුවාදා(24) ආසාදන 106ක් වාර්තා වීමෙන් පසු මුළු ආසාදිතයන් සංඛ්‍යාව 827ක් දක්වා ඉහෙළ ගියේය.
කොරෝනා වයිරස රෝගයෙන් තායිලන්තයේ මේ වනවිට 4දෙනකු මියගොස් ඇත.
අගමැති ප්‍රයූත් චාන් ඕචා මහතා කියා සිටියේ හදිසි අවස්ථාවකදී ක්‍රියාත්මක කෙරෙන නිශ්චිත බලතල සම්බන්දව පසුව ප්‍රකාශයට පත්කරන බවයි. අවශ්‍ය වුවහොත් මාධ්‍ය වාරණය කිරීම හෝ වසා දැමීම සිදුකරන බව ද හෙතෙම පවසයි.