2017 වසරේ හිටපු අමාත්‍ය රිෂාඩ් බදුර්දින් පාරිභෝගික කටයුතු පිළිබඳ අධිකාරියට විමර්ශන නිලධාරීන් බදවා ගැනීමේදී සිදුකරන ලද අක්‍රමිකතාවයක් පිළිබඳව බොදු බල සේනා සංවිධානයේ මහ ලේකම් පූජ්‍ය ගලගොඩාත්තේ ඥානසාර හිමි පසුගිය (14) දින පැමිණිල්ලක් ඉදිරිපත් කර සිටියා.
මෙම බඳවා ගැනීම සිදු කිරීමේදී හිටපු අමාත්‍යවරයා පුද්ගලික න්‍යාය පත්‍ර අනුව කටයුතු කර ඇති බවත් සුදුසුකම් සපුරා නොමැති විමර්ශන නිලධාරීන් බඳවා ගෙන ඇති බවට ඥානසාර හිමි චෝදනා කර සිටියා.
මේ පිළිබඳව අමාත්‍ය බන්දුල ගුණවර්ධන මහතා ප්‍රකාශයක් කරමින් සඳහන් කර සිටියේ අයුක්ති සහගත ලෙස බලය යොදාගනිමින් නිලධාරීන් බඳවා ගෙන ඇති ද යන්න සොයා බලා වාර්තාවක් ඉදිරිපත් කිරීමට පිළිගත් විශ්‍රාමික රාජ්‍ය නිලධාරීන් තිදෙනෙකුගෙන් යුත් කමිටුවක් පත් කළ බවයි.