එක්සත් ජාතික පක්ෂය මේ වන විට පත්වෙලා තියෙන මේ අර්බුධය හේතුවෙන් ඉතිහාසයේ නෙවූ විරූ ආකාරයේ ජයග්‍රහණයක් ගෝඨාභය රාජපක්ෂ මහතාට ලබා දීමට ඔවුන් විසින්ම පසුබිම හදලා දෙනවා යැයි පාර්ලිමේන්තු මන්ත්‍රී සුසිල් ප්‍රේමජයන්ත මහතා පවසයි.
ඒ කඩුවෙල ප්‍රදේශයේ පැවති උත්සවයකින් අනතුරුව මාධ්‍ය වෙත අදහස් දක්වමිනි.
එහිදී වැඩිදුරටත් අදහස් දැක්වූ පාර්ලිමේන්තු මන්ත්‍රී සුසිල් ප්‍රේමජයන්ත මහතා,
එක්සත් ජාතික පක්ෂයේ ජනාධිපති අපේක්ෂකයා පිළිබද ප්‍රශ්නය පක්ෂය දෙදරුම් කන මට්ටමකට ගිහිල්ලා අවසාන බවයි බැලූ බැල්මට පේන්නේ. ජනාධිපතිවරණයක් ළග තියාගෙන ඉතිහාසයේ පළමු වතාවට තමයි එක්සත් ජාතික පක්ෂය මෙවැනි අර්බුධයකට ලක් වෙලා තියෙන්නේ. යැයි වැඩිදුරටත් පැවසුවේය.