Colombo Today Local News

එජාප පාර්ලිමේන්තු මන්ත්‍රී ධුරය රනිල් ප්‍රතික්ෂේප කරයි

එක්සත් ජාතික පක්ෂ පාර්ලිමේන්තු මන්ත්‍රී ධුරය භාරගන්නා ලෙස කෙරුණු යෝජනාව පක්ෂ නායක රනිල් වික්‍රමසිංහ මහතා ප්‍රතික්ෂේප කර තිබේ.

ඒ, සිරිකොත පක්ෂ මූලස්ථානයේ අද (23)දින පැවති සාකච්ඡාවකදීය.

එක්සත් ජාතික පක්ෂයේ ඉදිරි තනතුරු පිළිබඳ ව තීරණය කිරීම සඳහා එම පක්ෂයේ හිටපු පාර්ලිමේන්තු මන්ත්‍රිවරුන්ගේ හමුවක් පක්ෂ නායක රනිල් වික්‍රමසිංහ මහතාගේ ප්‍රධානත්වයෙන් අද සිරිකොතදී පැවැත්විය.

එහිදී පක්ෂයට හිමි වූ එකම ජාතික ලැයිස්තු මන්ත්‍රි ධුරය සඳහා පක්ෂ නායක රනිල් වික්‍රමසිංහ මහතාගේ නම යෝජනා වී ඇති අතර වික්‍රමසිංහ මහතා එය ප්‍රතික්ෂේප කර ඇති බව වාර්තා වේ.

තරුණ මන්ත්‍රිවරයෙකු ඊට පත්කිරීම සම්බන්ධයෙන් වික්‍රමසිංහ මහතා එහිදී අවධානය යොමු කර ඇති බව පැවසෙයි.

මේ අතර, එක්සත් ජාතික පක්ෂ මහ ලේකම් හිටපු පාර්ලිමේන්තු මන්ත්‍රි අකිල විරාජ් කාරියවසම් මහතා සිය ධුරයෙන් ඉල්ලා අස්වී තිබේ.

ඔහුගෙන් අප කළ විමසීමක දී ඔහු සිය ඉල්ලා අස්වීම තහවුරු කළ නමුත් සිරිකොත හමුවෙන් පසු මාධ්‍යයට අදහස් දැක්වූ එහි හිටපු පාර්ලිමේන්තු මන්ත්‍රිවරු ප්‍රකාශ කළේ ඉල්ලා අස්වීම පිළිබඳ කාරියවසම් මහතා ලිඛිතව දැනුම් දී නොමැති බවය.

Related posts

මෛත්‍රී – රනිල් ප්‍රසිද්ධ වෙන්දේසිකරුවො වගේ.. රාජ්‍ය සම්පත් විකුණන් කනවා.. ආර්ථිකය ඉවරයි – JVP

colombotoday

තලාවෙන් අත්අඩංගුවට ගත් හෙරොයින් ජාවාරම්කරු

colombotoday

වසර දෙකක් දැරියක් දුෂණය කල සිද්ධියට එක් පොලිස් නිලධාරියෙකු අත්අඩංගුවට

Admin

පැය 03 යි විනාඩි 20ක් අදත් විදුලිය නැහැ

colombotoday

පාස්කු ප්‍රහාරයට ජනපති හැර, සියල්ලන්ම වැරදිකරුවන් වන ලකුණු !

colombotoday

අදත් මහ බැංකු බැදුම්කර නිකුතුවක් වටිනාකම බිලියන 32.5

Admin