ඛනිජ තෙල් මිල වැඩි කිරීමට විරෝධය දක්වමින් දකුණු පළාත් සභා මන්ත්‍රී සම්බු ආරියවංශ (එ. ජ. නි. ස.) මහතා විසින් විරෝධතා පුවරු සවිකරන ලද තිරික්‌කලයක නැඟී ඊයේ (11 වැනිදා) රත්ගම හන්දියේ සිට හික්‌කඩුව ප්‍රාදේශීය ලේකම් කාර්යාලය දක්‌වා පැමිණියේය.
මේ සඳහා සහාය පළ කරමින් හික්‌කඩුව නගර සභිකයෝ සහ රත්ගම ප්‍රාදේශීය සභාවේ සභිකයෝ විරෝධතා පුවරු සවිකළ පාපැදිවලින් එම තිරික්‌කලය සමඟ ගමන් කළහ.
“ජනතාවනි කොහොමද, යහපාලනේ හොඳද, බඩු මිල දැන් ලාභ ද, දැන් උඹලාට සතුටු ද”, “වැඩබැරි හිඟන ආණ්ඩුව පයින් ගසා එළවමු”, “මේකද යහපාලනේ”, “බෙලි මිරිකන පාලනේ”, “මේක හොඳයි පාලනේ, නල්ල මලේ පාලනේ” යන විරෝධතා පුවරු රැගෙන යනු දක්‌නට ලැබිණි.