ඉදිරි මහමැතිවරණයෙන් පසුව මහජනයා සමූපකාරයේ තැන්පත් කළ මුදල් නැවත ලබා දීමට කටයුතු කරන බව අමාත්‍ය ආචාර්ය බන්දුල ගුණවර්ධන මහතා පවසයි.
බෙලිඅත්ත ප්‍රදේශයේ ඊයේ(07)දින පස්වරුවේ පැවති වැඩසටහනකට එක්වෙමින් අමාත්‍යවරයා මේ බව සඳහන් කළේය.
අමාත්‍යවරයා වැඩිදුරටත් අදහස් දක්වමින් පවසා සිටියේ, මුදල් අමාත්‍යවරයා වශයෙන් අග්‍රාමාත්‍යවරයා විසින් ෆිනෑස් කොම්පැනිය අවහර කළ විට එහි ගනුදෙනුකරුවන් වෙත රුපියල් ලක්ෂ 6 බැගින් මහජන බැංකු 60 ක් මඟින් ගෙවීමට තීරණය කළ බවයි.
එවිට ගනුදෙනුකරුවන් සියයට 93 කගේ ප්‍රශ්න විසඳෙන බවත් ඉන් සියයට 7 ක් ඉතුරු වන බවද පැවසු අමාත්‍යවරයා, එය මැතිවරණයෙන් පසුව ලබා දීමට සිදුවන බවද කියා සිටියේය.
දකුණේ සමහර සමූපකාර සමිතිවල මුල්‍ය ගැටළු ඇති බවත් පැවසු අමාත්‍යවරයා, සමහර බැංකුවල තැන්පත් කළ මුදල හා බැංකුව පවා අද වන විට නොමැති බවද පැවසීය.
මැතිවරණයෙන් පසුව දකුණේ සමූපකාරවල මුදල් තැන්පත් කළ ජනතාව වෙනුවෙන් දේපලක් විකුණා හෝ එම මුදල් ආපසු ලබා දීමට කටයුතු කරන බවට අගමැතිවරයා හා ජනපතිවරයා පොරොන්දුවක් ලබා දුන් බවද බන්දුල ගුණවර්ධන මහතා කියා සිටියේය.