උතුරු පළාත් සභාවේ අමාත්‍යංශ සහ දෙපාර්තමේන්තු වල භාවිතා කරනු ලබන රජයේ වාහන වල උතුරු පළාත් සභාවේ ලාංඡනය ප්‍රදර්ශනය කළ යුතු බව උතුරු පළාත් සභාවේ සභාපති සී.වී.කේ. ශිවඥානම් මහතා ප්‍රකාශ කර ඇත.
උතුරු පළාත් අමාත්‍යාංශ වලට අයත් දෙපාර්තමේන්තු සහ සභාවේ වාහන වල රාජ්‍ය ලාංඡනය පමණක් දැකගැනීමට ඇති බවත්, පළාත් සභාවේ ලාංඡනයද ප්‍රදර්ශනය කළ යුතු බවත් ඔහු ප්‍රකාශ කර ඇත. ඔහු මේ බව ප්‍රකාශ කර ඇත්තේ උතුරු පළාත් සභාවේ මාසික සභා වාරය කයිතඩි හි ඇති උතුරු පළාත් සභාවේ දී 2015.10.08 දින පැවැත්වූ අවස්ථාවේ දීය.
සෙසු පළාත් සභා අමාත්‍යංශ සහ දෙපාර්තමේන්තුවල භාවිතා කරන රජයේ වාහන වල රාජ්‍ය ලාංඡනය සහ දෙපාර්තමේන්තු, ආයතන ලාංඡනය පමණක් ප්‍රදර්ශනය කරන අතර පළාත් සභාවේ ලාංඡනය ප්‍රදර්ශනය කරන්නේ නැත.