ජිනීවා මානව හිමිකම් සැසිවාරයේදී සම්මන කරගනු ලැබූ දේශීය යාන්ත්‍රණය පිළිබඳ දෙමළ ජනතාව කිසිදු බියක් ඇති කර නොගන්නැයි විපක්ෂ නායක ආර්. සම්බන්ධන් මහතා පවසනවා.ඔහු සඳහන් කරන්නේ, එම පරීක්ෂණය මගින් දෙමළ ජනතාවට යම් සහනයක් සිදුවන බවයි.දේශීය යාන්ත්‍රණයක් වුවද, ඒ තුළ සියයට 75ක්ම අන්තර්ජාතික පරීක්ෂණයක ලක්ෂණ පවතින බවයි විපක්ෂ නායකවරයා සඳහන් කරන්නේ.
උපුටා ගැනීම.
‘රුසියාව, චීනය, පාකිස්තානය වැනි ප්‍රබල විදේශීය රටවල් මේ වනවිට දේශීය යාන්ත්‍රණයකට කැමැත්ත පළ කරලා තියෙනවා.’
‘මේක දේශීය පරීක්ෂණයක් වුණාට, අන්තර්ජාතික මැදිහත් වීමක් ඊට අනිවාර්යයෙන්ම හිමිවෙනවා.’
‘ඒ නිසා දෙමළ ජනතාව අනිසි බියක් ඇති කර ගත යුතු නැහැ.’
‘විරෝධතා දක්වලා ආයුධ අතට ගැනීම දැන් තියෙන තත්ත්වයට කිසිසේත්ම ගැළපෙන්නේ නැහැ.’
‘ආයුධ අතට අරන් සටන් කරලා තමන්ට ඕන දේ ලබාගත්ත යුගය දැන් ඉවරයි.’
‘ඒවා අමතක කරලා සියලූ දෙනා පවතින නව යුගයට හවුල් වෙන්න ඕන.’
උපුටා ගැනීම අවසන්.